
काठमाडौँ, ८ मङ्सिर । ग्राण्डी अन्तर्राष्ट्रिय अस्पतालको मेडिकल निर्देशकमा डा विनोद विजुक्छे हुनुभएको छ ।
ग्राण्डीको आज बसेको सञ्चालक समितिको बैठकले डा विजुक्छेलाई चार वर्षको लागि मेडिकल निर्देशकको जिम्मेवारी प्रदान गरेको हो ।
ग्राण्डीका मेडिकल निर्देशक डा चक्रराज पाण्डे सो पदबाट हटेसँगै उपनिर्देशकसमेत रहेका विजुक्छेलाई मेडिकल निर्देशकको जिम्मेवारी प्रदान गरिएको हो ।
ग्राण्डीको स्थापनाकालदेखि नै कार्यरत डा विजुक्छे वरिष्ठ स्पाइनल सर्जन हुनुहुन्छ ।
अन्तर्राष्ट्रिय स्तरको स्वास्थ्य सेवा नेपालमा नै प्रदान गर्ने उदेश्यले विस २०६९ सालमा स्थापना भएको ग्राण्डीले हाल २०० शैयामार्फत विरामीको उपचार गर्दै आएको छ ।


