दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मदन भण्डारीसँग संगत गरेका दुलाल एमालेको केन्द्रीय सदस्यमा उम्मेदवारी दिँदै

न्यूजलाईन्स् मिडिया संवाददाता
प्रकाशित मिति : २०७८ मंसिर ९ गते, बिहीबार ९:१०

काठमाडौं । नेकपा एमालेको १० औं महाधिवेशन भोलिबाट चितवनमा सुरु हुँदैछ । महाधिवेशनले ५ वर्षका लागि नयाँ कार्यसमितिको चयन गर्नेछ । महाधिवेशन सुरु हुन लाग्दा पनि उम्मेदवारहरुले आफ्नो उम्मेदवारी घोषणा गर्ने क्रम चलिरहेको छ ।
अध्यक्ष केपी शर्मा ओलीले फेरि पनि अध्यक्षको उम्मेदवार बन्ने जनाइसकेका छन् । केही दिनअघि मात्र उपाध्यक्ष भीमबहादुर रावलले पनि अध्यक्ष उठ्ने घोषणा गरेका छन् । एमालेले १५ पदाधिकारीसहित २ सय २५ जनाको केन्द्रीय समिति चयन गर्ने छ । २०५४ को स्थानीय तहको निर्वाचनमा तेह्रथुमको जिल्ला विकास समितिको सभापति भएर आफ्नो जिम्मेवारी कुशलतापूर्वक वहन गरेका किशोरचन्द्र दुलालले केन्द्रीय सदस्यमा उम्मेदवारी दिने भएका छन् । उनले यसको लागि सबैसँग सल्लाहसमेत गरिसकेका छन् । साथीभाई र पार्टीको नेता कार्यकर्ताको सुझावअनुसार नै आफू उम्मेदवार बन्न लागेको उनको भनाई छ । २०३६ सालमा बहुदलको पक्षमा अभियान चलाएका उनले २०३७ सालमा तत्कालीन नेकपा मालेको पार्टी कार्यालय व्यवस्थित गर्ने काममा पनि सक्रियता देखाए । २०४१ सालमा मदन भण्डारीको उपस्थितिमा भूमिगत रुपले पार्टी विस्तार गर्ने क्रममा अग्रणी मोर्चामा देखिएका उनले झण्डै ५० वर्ष कम्युनिष्टकै राजनीतिमा समय बिताएका छन् । राजनीतिलाई समाजसेवाका रुपमा लिने गरेका उनले २०४६ सालको जनआन्दोलनमा पनि जिल्लाको नेतृत्व गरेका थिए ।
२०५१ देखि २०५४ सम्म जिल्लाको पार्टी प्रमुख भएर नेतृत्व लिए । बुटवलमा २०६५ सालमा भएको आठौं महाधिवेशनमा बाहेक २०४९ सालमा भएको पाँचौं महाधिवेशनबाट निरन्तर प्रतिनिधि बन्दै आएका उनले पार्टीको केन्द्रीय सदस्य भएपछि संगठन विस्तारसँगै जनतामा एमालेप्रतिको चेतना जगाउने स्पष्ट पारेका छन् । उनी २०७१ असार २९ देखि साउन १ सम्म भएको एमालेको महाधिवेशनमा झिनो मतले केन्द्रीय सदस्यमा पराजित भएका थिए । कोशी अञ्चल कमिटीको सदस्य, पार्टी स्कुल विभागको सदस्यसमेत रहिसकेका उनी अहिले १ नम्बर प्रदेश कमिटी सदस्य हुन् ।
उनले एमाले जनताको पार्टी भएकाले पछिल्लो दिनमा पार्टीप्रति आकर्षण बढ््दै गरेको बताएका छन् । ‘म पार्टीको राजनीतिमा सधैं सक्रिय छु, राजनीतिलाई मैले गलत ढंगले प्रयोग गरेको छैन’ उनले भने ‘अब नयाँ जिम्मेवारी पाएँ भने मेरो भूमिका थप सशक्त हुन्छ र त्यसले एमालेलाई र जिल्लालाई समेत फाइदा पुग्छ ।’

फेसबुक प्रतिक्रिया
सम्बन्धित शीर्षकहरु