दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

महिलाबाट नै प्रहार हुँदा पनि कांग्रेसको महासमिति सदस्य बनेकी रुक्मिणी को हुन् ?

न्यूजलाईन्स् मिडिया संवाददाता
प्रकाशित मिति : २०७८ मंसिर १४ गते, मंगलवार १९:५३

काठमाडौं । नेपाली कांग्रेसको १४ औं महाधिवेशनमा नुवाकोटको क्षेत्र नम्बर २ बाट रुक्मिणी सेढाई महासमिति सदस्य बनेकी छिन् । उनी खुल्ला महिलाको तर्फबाट अत्याधिक मत ल्याएर महाधिवेशन प्रतिनिधिमा विजयी भएकी हुन् ।
‘मलाई हराउनुपर्छ भनेर ठूलो समूह नै लागेको थियो तर उनीहरुको केही लागेन, सबैको समर्थनले मैले जितेँ’ उनले भनिन् ‘मैले जितेपछि मेरो व्यक्तित्व बढ्छ र त्यो प्रतिष्पर्धामा आफूहरु आउन सकिँदैन भन्ने उनीहरुलाई चिन्ता लागेको होला ।’ सेढाइले आफ्नो जित नुवाकोटको कांग्रेसको मात्र नभएको बताएकी छिन् । उनले पार्टीलाई गतिशील बनाउन सधैं लागिरहने दाबी गरेकी छिन् । २०४६ सालदेखि नै राजनीतिमा सक्रिय रहेकी उनी समाजसेवामा पनि संलग्न छिन् । ‘मैले अहिलेसम्म पार्टीबाट केही पाएको थिइन, बल्ल जिम्मेवारी पाएँ अब केही गरेर देखाउँछु’ उनले थपिन् ‘ जसले मविरुद्ध दिनरात हराउने अभियान छेड्यो, उनीहरुलाई पनि म धन्यवाद दिन्छु जसको कारण म अझै खारिएको छु ।’ उनी राजनीतिमात्र नभएर शैक्षिक, धार्मिक, सामाजिक क्षेत्रमा पनि सक्रिय भएर लागेकी छिन् । उनले कतिपय विद्यालयमा लत्ताकपडा त कतिपय विद्यालयमा कापी किताव र ड्रेस पनि बाँडेकी छिन् । उनले आफ्नै पहलमा क्याम्पसमा अक्षय कोष पनि स्थापना गरिदिएकी छिन् ।
पुरानो लिखु गाउँ विकास समिति ३ की उनी अहिले बिदूर नगरपालिका ४ की स्थानीय बासिन्दा हुन् । उनले आफूलाई निर्वाचनमा सहयोग गर्ने विदूरसहित, बेलकोटगडी नगरपालिका, तारकेश्वर, मेघाङ र किस्पाङ गाउँपालिकाका पार्टीका नेता तथा कार्यकर्ता र शुभेच्छुकहरुप्रति हार्दिक धन्यवाद दिँदै आभार व्यक्त गरेकी छिन् । उनी राजनीतिसँगै व्यापार व्यवसायमा पनि संलग्न छिन् । उनी नेपाल राष्ट्रिय व्यवसायी महासंघको उपाध्यक्ष र महिला विभाग प्रमुख हुन् । उनी चाहना व्यापार संघको अध्यक्ष र नेपाल व्यापार संघको सचिवसहित विभिन्न संघसंस्थामा आबद्ध रहेकी छिन् । उनले राजनीति, समाजसेवा र व्यापारमा सँगै लाने र राजनीतिबाट समाज परिवर्तन गर्न महत्वपूर्ण भूमिका खेल्ने स्पष्ट पारेकी छिन् ।

फेसबुक प्रतिक्रिया
सम्बन्धित शीर्षकहरु