
हेटौँडा, १७ मंसीर । नेपाली काँग्रेस बागमती प्रदेश सदस्यमा रसुवाका उपेन्द्र लम्सालले उम्मेद्वारी दिने हुनुभएको छ ।
लामो समयदेखि नेपाली काँग्रेस रसुवाको संगठन विस्तारमा लाग्नुभएका लम्सालले बागमती प्रदेश सदस्य (खुलातर्फ) उम्मेद्वारी दिन लाग्नुभएको हो । उहाँ रसुवाको उत्तरगया गाउँपालिकाका अध्यक्षसमेत हुनुहुन्छ ।
काँग्रेस रसुवाका सांसद मोहन आचार्यले अगाडि सार्नुभएको ‘समृद्ध रसुवा’ को अभियानलाई सार्थक रुप दिन दिनरात खटिनुभएका लम्साल नेपाली काँग्रेस रसुवाको १४ औँ महाधिवेशनका लागि महाधिवेशन प्रतिनिधीसमेत हुनुहुन्छ ।
पार्टीको संगठनलाई बलियो बनाउँदै सिंगो बागमती प्रदेशको विकासका लागि आफूले प्रदेश सदस्यमा उम्मेद्वारी दिन लागेको जानकारी दिनुभयो ।


