दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

देउवाले ६ सय ५७ मत अन्तरले जित्ने वालुवाटारमा हिसावकिताव भइसकेको छ– शाही

न्यूजलाईन्स् मिडिया संवाददाता
प्रकाशित मिति : २०७८ मंसिर २३ गते, बिहीबार ९:५७

काठमाडौं । नेपाली कांग्रेसका शेरबहादुर देउवा पक्षका युवा नेता पुष्पकुमार शाहीले महाधिवेशनमा देउवाले ६ सय ५७ मतको अन्तरले सभापतिमा जित्ने वालुवाटारमा हिसावकिताव भइसकेको दाबी गरेका छन् ।
ओमकार टेलिभिजनको बुधबारको अन्तरवार्तामूलक कार्यक्रम ‘ओमकार विशेष’ मा पत्रकार गंगा बरालसँग कुरा गर्दै उनले कसैले पनि देउवालाई हराउन नसक्ने ठोकुवा गरे । ‘देउवाले जित्ने निश्चित छ, हामीले पटक पटक हिसाव गरेर यो तथ्यांक निकालेका हौं, यसमा केही तलमाथि होला तर लगभग यही हो ’ उनले भने ‘देउवा कच्चा खेलाडी होइनन्, ढुक्क हुनुहोस् फेरि पनि देउवा नै सभापति भएको देख्न पाउनुहुने छ ।’ शाहीले देउवाको नेतृत्वमा पार्टीले पुनर्जिवन पाएको पनि बताएका छन् । उनले देउवाले पार्टी बिगारे भनेर गलत प्रचार गर्नेलाई यो कार्यकालको समीक्षा गर्नसमेत अनुरोध गरेका छन् । उनले देउवाले ५७ प्रतिशत मत ल्याउने र पहिलो चरणमा नै सभापति हुने र दोस्रो चरणमा मतदान गर्नु नपर्ने पनि बताए ।
उनले सभापतिमा हारिन्छ भन्ने निश्चित भएपछि अर्को पक्षले अझै पनि सभापतिको उम्मेदवार छान्न नसकेको बताए । ‘केही दिन अघिसम्म सबै सभापतिमा उठ्छु भन्दै आएका थिए अहिले आएर सबै उठ्न डराए’ उनले भने ‘अर्को पक्षमा सभापतिको उम्मेदवार भइदेउ न भन्ने बेला आएको छ ।’

शाहीले पार्टीको आगामी महाधिवेशनमा केन्द्रीय सदस्यको उम्मेदवारी दिने भएका छन् ।
उनले आफू सुदूरपश्चिम प्रदेशबाट उम्मेदवार बन्न लागेको जानकारी दिए । डोटीबाट महाधिवेशन प्रतिनिधिमा अत्याधिक मत ल्याएर जितेका उनले पार्टीमा युवाको खाँचो रहेको बताए । पार्टीको केन्द्रीय समितिमा युवाहरुको सहभागिता भए पार्टी मजबुत हुने उनको तर्क छ । झन्डै ३० बर्ष अघिदेखि कांग्रेसको राजनीतिमा सक्रिय रहेका उनी नेपाल विद्यार्थी सघंका निवर्तमान केन्द्रीय उपाध्यक्ष पनि हुन् । उनले पार्टीको विभिन्न पदमा रही काम गरिसकेका छन् । राजनीतिसँगै समाजसेवामा पनि सक्रिय उनले सुदूरपश्चिम प्रदेशको सभापतिमा उठ्ने घोषणा गरेका थिए । नेपाली कांग्रेसको यो महाधिवेशन यही शुक्रबारदेखि सोमबारसम्म काठमाडौँमा हुँदै छ ।

https://fb.watch/9NdDPd9_ep/

फेसबुक प्रतिक्रिया
सम्बन्धित शीर्षकहरु