
–शिव अधिकारी
म हराय सरी हुन्छु आफै कुनै दिन
पराय भएँकी विरानु छ आगन
गर्नै के सके देशको लागि भन्दै
वितिरैछ जिवन कठै दिन गन्दै
जहाँ संपत्तिकै तमासा म देख्छु
कथा दुःखमा छन उनैको म लेख्छु
म हराय सरी हुन्छु आफै कुनै दिन
पराय भएँकी विरानु छ आगन
म चाहन्न आफ्नै यही आगनीमा
झरु देख्छु भोकाहरु छन पिडामा
म के गर्न सक्छु कठै ति दुःखी छन
दुःख के नबुझ्नेहरु लुट्न लाग्न
म हराय सरी हुन्छु आफै कुनै दिन
पराय भएँकी विरानु छ आगन
को हेर्ने गरिवी कसोरी हटाउँ
सबै नेपाली नै यो देशमै अटाउँ
मलाई यही मात्र रहर बन्न लाग्यो
धनिको ढिकुटी जहर झै गनायो
म हराय सरी हुन्छु आफै कुनै दिन
पराय भएँकी विरानु छ आगन
म खोजी रहेछु सबै एक हुँदै
गरौँ काम आफ्नै दुःखी क्वै नहुँदै
सबै बाडी खाँउ जे जे फल्छ
कुनै हुन्न भोको भने देश बन्छ
म हराय सरी हुन्छु आफै कुनै दिन
पराय भएँकी विरानु छ आगन


