दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

रमदा इन्कोरको पहिलो वार्षिकोत्सव : खाना र बस्नमा विशेष छुट

न्यूजलाईन्स् मिडिया संवाददाता
प्रकाशित मिति : २०७८ पुष २९ गते, बिहीबार ५:२१

काठमाडौँ, २८ पुस । चारतारे रमदा इन्कोर होटल काठमाडौँले स्थापनाको पहिलो वार्षिकोत्सवका अवसरमा खाना र बस्नका लागि विशेष छुटको अफर ल्याएको छ ।

काठमाडौँ महानगरपालिका–१६ ठमेलमा सञ्चालन आएको उक्त होटलले स्वदेशी तथा विदेशी पाहुनालाई लक्षित गरेर आफ्नो पहिलो वार्षिकोत्सवको अवसरमा विशेष सहुलियत प्याकेज ल्याएको हो ।

होटलका महाप्रबन्धक महेश फुँयालले रु १२०० मा दुई कोर्ष मेनु र रु १५०० मा तीन कोर्ष मेनु प्रदान गर्नेगरी रुपटप रेष्टुरेन्टमा सहुलियत प्याकेज ल्याएको जानकारी दिनुभयो ।

“वार्षिकोत्सवका अवसरमा एक जोडिलाई एक रात बस्ने र विहानको नास्तासहित रु ६००० मा नै उपलब्ध गराउने गरी अफर ल्याएका छौँ,”–उहाँले भन्नुभयो । सो होटलले अन्य खाना खाने पर्यटकलाई रुपटप रेष्टुरेन्टमा १५ प्रतिशत छुटको समेत व्यवस्था गरेको छ ।

२१ वर्ष माल्दिप्सस्थित फोर सिजन होटलमा काम गरेर हाल रमदा इन्कोरको मुख्य सेफका रुपमा कार्यरत मनोज आलेले स्वदेशी तथा विदेशी पाहुनालाई मेनु तथा मेनुभन्दा बाहिरका स्वदेशी तथा विदेशी खाना उपलब्ध गराउँदै आएको बताउनुभयो । “मैले विदेशमा हाँसिल गरेको ज्ञान सीप र अनुभवलाई स्वदेशमा पस्कन पाउँदा साह्रै खुशी लागेको छ,”– सेफ आलेले भन्नुभयो ।

मध्यम वर्गदेखि उच्च घरानिया वर्गलाई लक्षित गरी सञ्चालनमा आएको उक्त होटल विश्वमा नौ हजारभन्दा बढी रहेका छन् । विश्वका ८० भन्दा बढी देशमा रमदा इन्कोर बाई वाईनहेमका तीनतारेदेखि पाँचतारे होटल सञ्चालनमा रहेका छन् ।

रु दुई अर्ब ५० करोड लगानीमा सञ्चालनमा आएको उक्त होटलमा हाल दुईवटा रेष्टुरेन्ट, ९० वटा रुम, एक रुपटप स्वीमिङ पुल, जीम हल, दुईवटा कन्फरेन्स हल रहेको छ । उक्त होटलले एक महिनाभित्रै स्पा सेन्टर सञ्चालन गर्नेगरी तयारी थालेको छ ।

फेसबुक प्रतिक्रिया
सम्बन्धित शीर्षकहरु