• यौटा स्वर्ग

    न्यूजलाईन्स् मिडिया संवाददाता
    प्रकाशित मिति : ३० पुष २०७८, शुक्रबार ०७:३२

    –शिव अधिकारी

    यौटा स्वर्ग टिपेर ल्याउँछु भनि डुल्दै बगैँचा तिर
    खोज्दै त्यो अमरावती शिखरको उक्लि रहेछु भिर
    के हुन्थ्यो सजिलो र स्वर्ग कसरी बन्थ्यो र कस्तो थियो
    थाहा छैन तथापी भन्छ दुनिया त्यो नाम कस्ले दियो ।। १ ।।

    यौटा नाम अमूर्तको पछि पछि लागेर हिड्नेहरु
    पाईदैन कदापी स्वर्ग छ त्यहा पुग्छन मरेकाहरु
    मृत्यू मात्र छ संभबी सुर कथा त्यो स्वर्ग फल्ने भूमि
    के खोज्छौ दुनिया अचम्म छ सबै संसार सारा घुमी ।। २ ।।

    नौलो हुन्छ तथापी सुन्दर कला त्यस्कै पसि गर्भमा
    हेर्छौता अति नै छ कष्ट र पीडा त्यो स्थूल निर्मणमा
    सिर्जि पौरखको बूँदा बूद मूना कल्कल् बढे झै बनि
    लाउनु बन मञ्जरी हृदयले त्यो हो नयाँ जीवनी ।। ३ ।।

    खोज्छौ ए कति स्वर्ग त्यो सलिलता देखिन्छ आफै तिर
    पाईदैन घुमेर केही रमिता मात्रै छ बुझ्ने गर
    त्यस्तो सुन्दर स्वर्ग हो घर जहाँ बस्छौ छ यस्कै भर
    आफ्नु मातृभूमी छ स्वर्ग सबको जानेर रक्षा गर ।। ४ ।।

    पानीमा बूँदा उम्लिए सरी कला नौलो सधै लाग्दछ
    यौटा बालक कल्कलाउ छ युवा बन्दै यही जाग्दछ
    सौर्य पौरखीको सिमा हिन बनी खेदेर बैरि जति
    भाग्छन सुन्दर यै छ स्वर्ग सबको खोज्छौ घुमेरैै कति ।। ५ ।।

    फेसबुक प्रतिक्रिया
    सम्बन्धित शीर्षकहरु