तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

आज एन्टिजेन र पिसीआर विधिबाट गरिएको १४ हजार ५५६ नमु्ना परीक्षणमा ४,६३६ जनामा संक्रमण पुष्टि

न्यूजलाईन्स् मिडिया संवाददाता
प्रकाशित मिति : २०७८ माघ १ गते, शनिबार २०:०५

काठमाडौं । नेपालमा आज ४,६३७ जनामा कोरोना संक्रमण पुष्टि भएको छ । आज एन्टिजेन र पिसीआर विधिबाट गरिएको १४ हजार ५५६ नमु्ना परीक्षणमा ४,६३६ जनामा संक्रमण पुष्टि भएको हो ।

आज उपत्यकाको काठमाडौंमा १५९१, भक्तपुरमा १४२ र ललितपुरमा ४८५ जनासँगै १८१८ जनामा संक्रमण पुष्टि भएको हो । शुक्रवारको तुलनामा उपत्यकामा संक्रमित हुनेको संख्या आज केही घटेको हो ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थपिएका ४,६३७ जनासँगै नेपालमा हालसम्म कोरोना संक्रमित हुनेको संख्या ९ लाख ४८ हजार ९८५ पुगेको छ ।

त्यसैगरी पछिल्लो २४ घण्टामा ३५० जनामा कोरोना संक्रमणबाट मुक्त भएका छन् । आज निको भएका ३५० जनासँगै नेपालमा कोरोनाबाट मुक्त हुनेको संख्या ८ लाख १६ हजार ३ पुगेको छ ।

नेपालमा पछिल्लो २४ घण्टामा ४ जना कोरोना संक्रमितको मृत्यु भएको छ । आज थपिएका ४ जनासँगै नेपालमा हालसम्म ११ हजार ६१७ जनाको कोरोनाबाट मृत्यु भएको छ ।

मन्त्रालयको विवरण अनुसार हाल २१ हजार ५८४ जना सक्रिय संक्रमित रहेका छन् । ती मध्ये होम आइसोलेशनमा २० हजार ५३६ जना र १०४८ जना संस्थागत आइसोलेशनमा रहेका छन् । ती मध्ये ११९ जना आइसीयु र २६ जना भेन्टिलेटरमा उपचाररत छन् ।

नेपालमा पछिल्लो २४ घण्टामा ४ लाख ३५ हजार १९३ जनाले कोरोना भाइरसविरुद्धको खोप लगाएका छन् ।

नेपालमा हालसम्म २ करोड ७९ लाख ११ हजार १८८ जनाले कोरोना भाइरसविरुद्धको खोप लगाइसकेका छन् । ती मध्ये १ करोड ५८ लाख १४ हजार ३८३ जनाले पहिलो मात्रा र १ करोड २० लाख ९६ हजार ८०५ जनाले दोस्रो मात्राको खोप लगाइसकेको स्वास्थ्य तथा जनसंख्या मन्त्रालयले जनाएको छ ।

फेसबुक प्रतिक्रिया
सम्बन्धित शीर्षकहरु