तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

कतारको कानुन उल्लंघन हुने काम नगर्न कतारमा रहेका सम्पूर्ण नेपालीहरुमा अपिल

न्यूजलाईन्स् मिडिया संवाददाता
प्रकाशित मिति : २०७८ फाल्गुन १३ गते, शुक्रबार ७:२०

काठमाडौं । गैरआवासीय नेपाली संघ (एनआरएनए) राष्ट्रीय समन्वय परिषद (एनसिसी) कतारले कतारको कानुन उल्लंघन हुने काम नगर्न कतारमा रहेका सम्पूर्ण नेपालीहरुमा अपिल गरेको छ । एनआरएनए कतारका अध्यक्ष मोहम्मद मुक्तदा मुसलमानले एक अपिल जारी गर्दै नेपालीहरु वैदेशिक रोजगार तथा ब्यवसायिक उद्देश्यका लागि बिश्वको विभिन्न मुलुकमा छरिएर रहेका छौ। त्यसै अनुरुप रोजगारी तथा ब्यवसायको लागि आकर्षण र सुरक्षित गन्तब्य मुलुक कतारमा समेत धेरै संख्यामा नेपाली दाजुभाई दिदिबहिनी रहेको उल्लेख गरेका छन् ।

अपिलमा नेपाल र कतारकाबीच रहेको पारस्परिक सम्बन्धका कारण आज हामी जहाँ उज्ज्वल भबिस्यको सपना लिएर कतारमा कार्यरत रहेको र हामी जुन देशमा रहन्छौ सम्बन्धित देशको कानुनलाई मर्यादाका साथ पालना गर्नु हाम्रो कर्तव्य भएको र यदि यहाँ बसोबास गर्दा र कामकाजको सिलसिलामा कथमकदाचित समस्या परेमा समस्याको समाधान र निकासका लागि सम्बन्धित निकायबाट नियम संगत प्रक्रियामा जानु हामी सबैको दायित्व भएको उल्लेख गरिएको छ ।

‘हाल केही दिनदेखि सामाजिक संजाल मार्फत नेपाली श्रमिकहरुद्वारा कतारको कानुनु उल्लंघन हुने गरि गरिएका गतिबिधिहरु सार्बजनिक भएपछी गैरआवासीय नेपाली संघ, राष्ट्रिय समन्वय परिषद कतारको ध्यानाकर्षण भएको र यस्ता गतिविधिहरुले नेपाली समाज र नेपाली श्रम बजारमा समेत असर पर्ने र स्थानीय कानुनको पनि उल्लंघन हुने र सो का लागि सजायको भागिदार बन्नुपर्ने अवस्था आउने हुँदा यस्ता गतिविधिमा संलग्न नहुन सम्पूर्ण नेपाली दाजुभाई तथा दिदिबहिनीहरुमा गैरआवासीय नेपाली संघ, राष्ट्रिय समन्वय परिषद कतार हार्दिक अनुरोधका साथै अपिल गर्दछ’, अपिलमा छ ।

फेसबुक प्रतिक्रिया
सम्बन्धित शीर्षकहरु