दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

नेपाल कम्युनिष्ट पार्टी (माओवादी केन्द्र) को केन्द्रीय कमिटीको बैठक आज फेरि बस्दै

न्यूजलाईन्स् मिडिया संवाददाता
प्रकाशित मिति : २०७८ फाल्गुन २२ गते, आईतवार ९:२८

काठमाडौं , फागुन २२ । सत्तारुढ नेपाल कम्युनिष्ट पार्टी (माओवादी केन्द्र) को केन्द्रीय कमिटीको बैठक आज (आइतबार) फेरि बस्दैछ । आजको बैठकको कार्यसूची पदाधिकारी चयनलगायतका सांगठनिक विषय हुने कार्यालय सचिव श्रीराम ढकालले जानकारी दिएका छन् । शुक्रबार बैठकमा एमसीसीलगायतका समसामयिक विषयमा छलफल भएको थियो ।

गत पुस १८ गते माओवादीको आठौं महाधिवेशन सम्पन्न भएको थियो । महाधिवेशनले २४७ जना केन्द्रीय सदस्य चयन गरेको थियो । लगत्तै पुस १९ गतेको केन्द्रीय समितिको बैठकले पुष्पकमल दाहाल ‘प्रचण्ड’ लाई अध्यक्ष चयन गरेको थियो । तर त्यसयता माओवादीले अन्य पदाधिकारी हालसम्म चयन गर्न सकेको छैन ।

आजको बैठकबाट केन्द्रीय कमिटीलाई पनि पूणर्ता दिने तयारी गरिएको छ । २९९ केन्द्रीय सदस्यमा २४७ मात्र चयन भएका छन् । २९९ मा १० प्रतिशत हेडक्वार्टरले मनोनीत गर्ने व्यवस्था छ । त्यस्तै २९९ को १५ प्रतिशत केन्द्रीय कमिटीले मनोनीत गर्नेछ । यता पदाधिकारीमा एक जना वरिष्ठ उपाध्यक्ष, सात जना उपाध्यक्ष. एक महासचिव, दुई उपमहासचिव, तीन सचिव र कोषाध्यक्ष चयन गर्न बाँकी छ ।

माओवादी केन्द्रको आठौं महाधिवेशन सम्पन्न भएको दुई महिना बितिसक्दा पनि अध्यक्ष बाहेक पदाधिकारी चयन हुन सकिरहेको छैन । शुक्रबारबाट शुरु भएको केन्द्रीय कमिटीको बैठक एक दिन स्थगित गरेर माओवादीका अध्यक्ष पुष्पकमल दाहाल ‘प्रचण्ड’ पदाधिकारी चयन गर्न नेताहरूसँग आन्तरिक छलफलमा लागेका छन् ।

एमसीसी सम्झौता संसद्बाट व्याख्यात्मक घोषणासहित पारित भएपछि नेता नारायणकाजी श्रेष्ठ असन्तुष्ट बन्दै आएका थिए । केन्द्रीय कमिटी बैठकमा श्रेष्ठले प्रचण्डको आलोचना गर्दै पार्टीभित्र आफ्नो असन्तुष्टि राखेका छन् । श्रेष्ठको अभिव्यक्तिसँगै एमसीसीको विषयलाई लिएर पार्टीभित्र देखापरेको विवाद तत्कालका लागि समाधान भएको एक केन्द्रीय सदस्यले बताए ।

जारी केन्द्रीय कमिटीको बैठकबाट प्रचण्डले पदाधिकारीको टुंगो लगाउन चाहेका छन् । पार्टीको महासचिवका लागि अर्थमन्त्री जनार्दन शर्मा र वर्षमान पुनले दाबी गरेका छन् । सम्भवतः शर्मा र पुनमध्ये एक जना महासचिव बन्ने बताइएको छ । महाधिवेशनबाट पदाधिकारी चयन टुंगो लगाउने तयारी भए पनि पुनले आफू स्वास्थ्य उपचार गराएर स्वदेश फर्कन लागेको जानकारी गराएपछि बैठक स्थगित भएको थियो । त्यसलगत्तै कोभिड संक्रणण बढेको भन्दै माओवादीको बैठक अनिश्चित्कालका लागि स्थगित भएको थियो ।

फेसबुक प्रतिक्रिया
सम्बन्धित शीर्षकहरु