तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

एलटीके एथलेटिक्स ट्रयाकको उद्घाटन

न्यूजलाईन्स् मिडिया संवाददाता
प्रकाशित मिति : २०७८ चैत्र २० गते, आईतवार ५:१४

चितवन । चितवनको देवनगरमा नीजि खर्चमा निर्माण गरिएको एथलेटिक्स ट्रयाकको शनिबार उद्घाटन गरिएको छ । युवा तथा खेलकुद मन्त्री महेश्वरजंग गहतराजले चितवनका स्थायी बासिन्दा देबेन लोहनीले नीजि खर्चमा निर्माण गरेको एथलेटिक्सको ट्रयाकको शनिबार उद्घाटन गरेका हुन् ।
देबनगरका स्थायी बासिन्दा लोहनले करिब ३० लाख रुपैयाँ नीजि खर्चमा हबेलीमा २ सय मिटरको एथलेटिक्स ट्रयाकको निर्माण गरेका छन् । करिब ११ बिगाहा क्षेत्रफलमा फैलिएको आफ्नो फार्म हाउसको पोखरीलाई पुरेर उनले एथलेटिक्सको संरचना तयार पारेका हुन् ।
खेलकुद संरचनाको उद्घाटन गर्दै युवा तथा खेलकुद मन्त्री महेश्वरजंग गहतराजले नीजि क्षेत्रको लगानीबाट मात्र खेलकुद विकासको फड्को मार्न सक्ने बताए । उनले खेलकुदलाई पर्यटन, आर्थिक, स्वास्थ्य, राष्ट्रिय गौरव लगायत विविध क्षेत्रसँग जोड्न सकिने उल्लेख गर्दै यसलाई उधोगको रुपमा विकाश गर्नुपर्ने धारणा राखेका थिए ।


व्यवसायी लोहनले स्थानीय स्तरमा खेलाडी उत्पादनमा सहयोग पुगोस् भन्ने उद्धेश्यले आफुले खेलकुदको संरचना निर्माण गरेको बताए । उनले स्थानीयदेखि राष्ट्रिय स्तरका खेलाडीहरु अन्तराष्ट्रिय प्रतियोगिताका लागि ट्रयाकमा आएर अभ्यास र तयारी गर्न सक्ने बताउँदै आफुले खेलाडीलाई सक्दो सहयोग गर्ने धारणा राखेका थिए । व्यवसायीक रुपमा चितवनमा लेक ट्वान्टी थाउजेन्ट फार्म एण्ड रिट्रिट सञ्चालन गरेका लोहनीले रिसोर्टभित्र अन्तराष्ट्रिय मापदण्डको पौडी पोखरी समेत निर्माण गरेका छन् । खेलकुद र कलालाई पर्यटन गर्न जोड्ने उद्धेश्यका साथ आफु अघि बढिरहेको लोहनीको भनाई छ । सो अवसरमा कीर्तिमानी धावक बैकुण्ठ मानन्धरलाई सम्मान गरिएको थियो ।
ट्रयाकको उद्घाटन गर्दै देबनगर हबेलीमा दुई दिने एलटीके ट्रयाक एण्ड फिल्ड प्रतियोगिताको सुरुवात समेत गरिएको छ । ट्रयाक एण्ड फिल्डका १४ विधा समावेश गरेर आयोजना गरिएको प्रतियोगितामा देशभरका ३ सय बढी खेलाडी सहभागी छन् । दुई दिनसम्म चल्ने प्रतियोगिताका मुख्य स्पर्धा भने आईतबार बिहान सञ्चालन हुने आयोजकले जनाएको छ ।

फेसबुक प्रतिक्रिया
सम्बन्धित शीर्षकहरु