
नुवाकोट । नेपाली काङ्ग्रेस नुवाकोटका युवा नेता एवम् समाजसेवी शिव अधिकारी `अविरल´ले तार्केश्वर गाउँपालिका वडा नम्बर ४ बुधसिङस्थित छापढाेडा महिला समुह गठन गरि एक लाख सहयोग गरेका छन् । उनले आजै ५० हजार रुपैयाँ प्रदान गरेका छन् । अर्को ५० हजार रुपैयाँ अर्को चैत भित्र उपलव्ध गराउने प्रतिबद्धता जनाएका छन् ।
महिला शसक्तिकरण र महिलाहरूको आयआर्जनका वृद्धिका लागि उनले व्यक्तिगत रुपमै उक्त सहयोग प्रदान गरेका हुन । यो सहित तार्केश्वरमा कुल आमा समुहको संख्या ६९ वटा पुगेको उनले हिमाली खवरलाई जानकारी दिए। यो संख्या अझै थप्दै महिलाहरूलाई आयआर्जनमा सामेल गराइ उनीहरुलाई सवल बनाउने आफ्नो मुल लक्ष्य रहेको नेता अधिकारीले बताए ।
उनले विगत लामो समयदेखि स्कुल, खानेपानी, स्वास्थ्य, महिला सशक्तीकरण, सडक संजाल विस्तार, युवा क्लब लगायतका क्षेत्रमा सहयोग गर्दै आएका छन् । यो अभियान अझैपनि जारी राख्ने उनले बताए ।


