
काठमाडौँ, १५ बैशाख । नेपाली काँग्रेस काठमाडौँ महानगरपालिका वडा नं ४ का वडा अध्यक्षका उम्मेद्धार रामप्रसाद न्यौपाने टुसालको घरदैलोमा व्यस्त हुनुभएको छ ।
बैशाख ३० गते हुन लागेको स्थानीय तहको निर्वाचनलाई लक्षित गरी काँग्रेसको वडा सभापतिसमेत रहनुभएका न्यौपाने टुसालको जनताको घरदैलोमा पुग्नुभएको हो ।
उहाँसँगै वडा सदस्यका उम्मेद्धार सुवर्ण सिलवाल, सञ्जय श्रेष्ठ, महिला सदस्यमा सावित्री थापा खनाल र दलित महिला सदस्यमा सीता दमाई पनि घरदैलोमा व्यस्त हुनुहुन्छ ।
वडा अध्यक्षका उम्मेद्धार न्यौपानेले आइतबार चुनदेवी क्षेत्रको घरदैलो कार्यक्रम गर्नुभएको थियो । काठमाडौँ महानगरपालिका वडा नं ४ मा विशालनगर, चण्डोल, चुनदेवी, वालुवाटार, पञ्चकन्या, गणेशवस्ती, चप्पल कारखाना, प्रगती टोल, धुम्बाराही, रारामार्गलगायतका क्षेत्र पर्दछन् । उक्त वडामा १६ हजारभन्दा बढी मतदाता रहेका छन् ।


