
२७ बैशाख २०७९ शर्मिला विश्वकर्मा, अछाम डाउन सिण्ड्रोम समाज नेपालले अछाम जिल्लाको रामरोशन गाँउपालिकामा वडा नं ५ मा सरस्वती समाजिक समाज कार्यको आयोजनामा त्यहाँका विपन्न समुदायका बालबालिकाहरुलाई आवश्यक पुस्तक तथा स्टेशनरी सामाग्रीहरु वितरण गरेको छ ।
सरस्वती सामाजिक समाज कार्य नेपाल विपन्न समुदायमा बसोबास गर्ने बालबालिकाहरुको समस्या पहिचान गरी ती समसया समाधान गरी उनीहरुको शिक्षालाई अगाडि बढाउनका लागि खोलिएको एक गैर सरकारी संस्था हो । विपन्न वर्गका बालबालिकाहरुलाई शिक्षा लिनमा सहजता होस भन्ने उदेश्यले यही बैशाख २५ गते आइतबारका दिन एक कार्यक्रमको आयोजना गरिएको त्यस्ता बालबालिकाहरुलाई पुस्तक तथा स्टेशनरी सामाग्री वितरण गरिएको सरस्वती सामाजिक समाज कार्यका अध्यक्ष तिलक बहादुर बटालाले जानकारी दिनु भयो ।
सो कार्यक्रममा विपन्न वर्गका र विभिन्न कारणले शिक्षा लिनबाट बञ्चित भएका अति विपन्न समुदायका १३ जना बालबालिकाहरुलाई आवश्यक पुस्तक र अन्य पाठ्य सामाग्री निःशुल्क वितरण गरिएको हो ।


