बढ्दै गएको प्राज्ञिक विचलनलाई सन्तुलनमा ल्याउन सम्पदा अनुसन्धान सदनको शुभारम्भ तथा पुस्तक विमोचनसुष्मा र अस्मिता सेमिफाइनलमाच्याम्पियनसीप एमेच्योर सदभावलाई उपाधिनेपाल भलिबल संघ र केल्मीबीच तीन वर्षका लागि नयाँ सम्झौताराष्ट्रपति रनिङ सिल्डका लागि राष्ट्रपतिलाई निमन्त्रणाजनआन्दोलन दिवसको अवसरमा चैत २४ गते आजपाले विशाल जनप्रदर्शन गर्नेग्रील तथा स्टील ब्यवसायीहरुको फुटबल महासंग्राममा सानोभर्याङ ठुलोभर्याङ इकाई विजयीआज चैत १६ गते शुक्रबार, कस्तो छ तपाईको दिन ? हेर्नुहोस् ! राशिफलसंचारकर्मी रिजाल सक्रिय राजनीतिमामहिला, बालबालिकामन्त्री र फिनल्याण्डका राजदुतविच शिष्टाचार भेट

हेम विक्रम सिलवाल नेतृत्वको स्वतन्त्र नागरिक समाज नेश्नलिष्ट पिपल्स पार्र्टीमा समाहित

न्यूजलाईन्स् मिडिया संवाददाता
प्रकाशित मिति : २०७९ असार १ गते, बुधबार २१:०६

काठमाडौं, १ असार । हेम विक्रम सिलवाल नेतृत्वको स्वतन्त्र नागरिक समाज नेश्नलिस्ट पिपुल्स पार्टीमा समाहित भएको छ । रिपोर्टर्स क्लब नेपालमा आज (बुधबार) पत्रकार सम्मेलन गर्र्दै सिलवाल नेतृत्वको स्वतन्त्र नागरिक समाज नेश्नलिष्ट पिपल्स पार्टीमा समाहित भएको जानकारी दिइएको हो ।
पत्रकार सम्मेलनमा बोल्दै केन्द्रीय सदस्य ओम भण्डारीले १४ महिना अघि नेश्नलिष्ट पिपल्स पार्र्टी दर्ता गरिएको जानकारी दिए । उनले नागरिक समाज पार्टीका हेम विक्रम सिलवाल पार्टी प्रवेश गरेसँगै प्रवक्ताको जिम्मेवारी दिइएको बताए ।
प्रत्यक्ष निर्वाचित प्रधानमन्त्रीको पक्षमा आफ्नो पार्टी भएको दाबी गर्दै उनले भने,‘हाम्रो पार्टी शेरोमेनियल मोनाल्कीको पक्षमा छ, जनताको मत लिएर जनमत संग्रहमा लगेर टुंग्याउने छौं । जातियता र क्षेत्रियता उन्मुलन, धर्म र जातीमा भएका समस्यालाई जनमत लिएर जनतामाझ जानेछौ ।’
उनले आफ्नो पार्टीले इतिहासलाई सम्मान गर्ने दाबी गर्दै संसदीय व्यवस्थाको विरोधी भएपनि विस्तारै परिवर्तन गरेर अघि बढ्ने बताए । भ्रष्टाचार निर्मुल गर्ने र अन्य पार्टीको विरोध नगर्ने पनि आफ्नो पार्टीको नीति भएको सुनाए ।
भर्खरै पार्टीको स्थापना भएपनि केन्द्र, जिल्ला, गाउँ तथा नगर समिति गठन गरिसेको भन्दै उनले केन्द्रीय समितिमा ८५, प्रदेश ४५, जिल्ला ३५ र वडा कमिटी १५ जना रहेको तथ्यांक सुनाए ।
त्यस्तै, प्रवक्ता हेमविक्रम सिलवालले नेपालको नागरिक समाजको आन्दोलनबाट आफुले विकृति र विसंगतीको विरुद्ध बोल्न सिकेको सुनाए । आफु सम्लग्न भएको नागरिक समाजले गत स्थानीय चुनावमा देशभर १६५ जना स्वतन्त्र उम्मेदवार उठाउने निर्णय गरेपनि विजयी हुने सम्भवना नदेखेपछि आफुहरु ब्याक भएको सुनाए ।
मल्टीपार्टी डेमोक्रेसीलाई बलियो बनाएर, विद्यमान भ्रष्टाचारलाई अन्त्य गर्न, महंगो निर्वाचन प्रणालीलाई विस्थापित गर्न र आफुले उठाएको एजेण्डालाई स्थापित गर्न नेश्नलिष्ट पिपल्स पार्टी प्रवेश गरेको सुनाए । एकदिन अघि मात्र नयाँ पार्टीको सदस्यता लिएको उनले सुनाए । असार लागि सक्दा पनि जनताले मल नपाएकोमा उनले आपक्ति जनाए ।
मल्टिपार्टी डेमोक्रेसीमा राजनीतिक प्रणालीलाई चिर्न नागरिक समाज पार्टी नै नेश्नलिष्ट पिपल्स पार्टी नै समाहित भएको उनले जानकारी दिए ।
उनले अहिलेको निर्वाचन प्रणाली जनतालाई जोगी बनाउने भएको समेत दाबी गरे । सिलवालले भने,‘संदसदीय व्यवस्थालाई अझै १० वर्ष टिकाइराख्ने हो भने नेताहरु थप गरिब हुँदै जान्छ । निर्वाचन प्रणालीले समाज रुपान्तरण गर्न सकिदैन् । भन्ने हाम्रो विचार हो ।’
नेश्नलिष्ट पिपल्स पार्टीको कृषिमा क्रान्ति गर्ने भन्ने धारणा आफुलाई मन परेको उनले सुनाए । मुलुकले १० वर्ष हिंसात्मक आन्दोलन पनि थेग्न परेपनि जनतालाई रत्तिपनि फाइदा नभएको उनले जिकिर गरे । नेपाली जनता जहिले पनि प्रयोगमात्र भएको उनले टिप्पणी गरे । नेश्नलिष्ट पिपल्स पार्टीले किसानलाई उत्पादन गर्न प्रोत्साहित गर्ने र उनीहरुले उत्पादन गरेका तरकारी बजारीकरण गर्ने पनि उनले स्पष्ट पारे । नेपालमा चाडै नै श्रीलंकामा जस्तो आर्थिक मन्दीको अवस्था नेपालमा आउनसक्ने भन्दै चिन्ता व्यक्त गरे ।
यसैगरी, संगठन विभागका प्रमुख कान्त बहादुर पौडेलले गत फागुन १५ गते पार्टी विधिवत रुपमा निर्वाचन आयोगमा दर्ता भएको जानकारी दिए । उनले जनता र नेताको बीचमा खाडल देखिएको भन्दै पुरानो पार्टीको विकल्पमा आफुहरुले पार्टी स्थापना गरेको सुनाए ।
पौडेलले जनताको जनचाहाना, जनभावना र राष्ट्रको उन्नतीको लागि नेश्नलिष्ट पिपल्स पार्टीको समाजसेवाको लागि स्थापना भएको दाबी गरे । उनले केन्द्रदेखि वडासम्म पार्टीको संरचना रहेको पनि उल्लेख गरे ।

उनले १३ लाख ६२ हजार सदस्य आफ्नो पार्टीमा रहेको समेत उनले दाबी गरे ।
विस्तारै ६५ लाखको हारहारीमा पदाधिकारी र कार्यकर्ता बनाउने लक्ष्य पार्टीको रहेको उनले बताए ।
आफ्नो पार्टी अबको चुनावमा चुनावी मैदानमा जाँदा स्पष्ट बहुमतको पार्टी बन्नेमा आफु विश्वस्त रहेको उनले सुनाए ।
धेरै पार्टीमा महिलालाई स्थान नदिएको भन्दै पौडेलले आफ्नो पार्टीले महिला शसक्तिकरणका कार्यक्रम अघि बढाएको दाबी गर्दै भने,‘हाम्रो पार्टीले ५३ प्रतिशत कोटा छुट्टाइएको छ ।’ महिलाहरु आफ्नो पार्टीमा पुरै स्वतन्त्र र सुरक्षित भएको उनले बताए । पार्टीको ७७ जिल्ला संगठन लगभग बनाएको भन्दै उनले ६० जिल्लामा गठन गरिसकेको उल्लेख गरे ।

त्यस्तै, कोषाध्यक्ष रोहित थापाले पार्टीले तयार गरेको पद्धती र निस्किएका उपजहरु देशवासीहरुमा पु्रयाउने प्रतिवद्धतामा जाहेर गरे । गत २० वर्षमा देशमा धेरै परिवर्तनका कुरा आएपनि परिणाम भने जनतामुखी नभएको बताए । धेरै दलका कुरा अक्षरमा मात्र सिमित भएको आरोप उनले लगाए । आफ्नो पार्टीले बोकेको मुद्दा अक्षरमा मात्र सिमित नहुने उनले दाबी गरे ।
आजसम्म कुनै पनि दलले सम्बोधन नगरेको जनताको एजेण्डालाई बोक्न आफ्नो पार्टी तयार भएको उनको भनाई थियो । पार्टीले गरेका प्रतिवद्धता भनाईमा मात्र नभएर गरेरै देखाउने उनले पनि स्पष्ट पारे ।

फेसबुक प्रतिक्रिया
सम्बन्धित शीर्षकहरु