दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

सुजन र स्लिशा पहिलो

न्यूजलाईन्स् मिडिया संवाददाता
प्रकाशित मिति : २०७९ असार ६ गते, सोमबार १८:०९

सुजन र स्लिशा पहिलो
आर्मीका सुजन राना मगर र स्लिशा रायमाझी ओलम्पिक दिवसका अवसर आयोजित सुटिङ प्रतियोगितामा सोमबार पहिलो भएका छन् ।
व्यक्तिगत १० मिटर एयर राइफलको पुरुषमा सुजन तथा महिलामा स्लिशा पहिलो भएका हुन् । सुजनले ३९६.६ तथा स्लिशाले ४०६.५ अंक जोडे । पुरुषमा कुमार कार्की दोश्रो तथा नारायण सिंह दोङ तेश्रो भए । दुवै आर्मीका हुन् । महिलामा ओलम्पियन नेपाल प्रहरी क्लबकी फूलमाया क्याप्छाकी दोश्रो तथा ललितपुरकी सुस्मिता नेपाल तेश्रो बने । राइफलको प्रतिस्पर्धा कुल ४३६ पूर्णाङ्कमा भएको थियो ।
सातदोबाटोस्थित अन्तर्राष्ट्रिय खेलकुद परिसरको सुटिङ रेन्जमा भएको व्यक्तिगत १० मिटर एयर पेस्तोलको पुरुषमा सर्वाधिक ३६९ अंकसाथ आर्मीका विष्णु दिस्वा नगर शीर्ष स्थानमा रहे । प्रहरीका मानबहादुर घले दोश्रो तथा काठमाडौंका कुवेर केसी तेश्रो स्थानमा रहे ।
सो स्पर्धाको महिलामा ३७४ अंक बटुलेकी ज्योतिका ढकाल शीर्ष स्थानमा रहिन् । सुनिता महर्जन दोश्रो तथा सरिता बस्नेत तेश्रो भए । पदक विजेता तीनै आर्मीका हुन् । पेस्तोलको पूर्णाङ्क ४ सय थियो ।
विजेतालाई नेपाल ओलम्पिक कमिटीअन्तर्गत स्पोर्ट्स फर अल कमिसनका अध्यक्ष विष्णुगोपाल श्रेष्ठ, नेपाल सुटिङ संघका अध्यक्ष पुष्पदास श्रेष्ठलगायतले एक कार्यक्रमबीच पुरस्कृत गरे । तीनदिने प्रतियोगितामा २६ पुरुष र २४ महिला गरी ५० खेलाडीले व्यक्तिगत स्पर्धामा प्रतिस्पर्धा गरेका थिए ।

फेसबुक प्रतिक्रिया
सम्बन्धित शीर्षकहरु