तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

मदन भण्डारी कलेजद्वारा आयोजित आँखा तथा दन्त शिविर सम्पन्न

न्यूजलाईन्स् मिडिया संवाददाता
प्रकाशित मिति : २०७९ असार १२ गते, आईतवार २:५५

काठमाडौँ-सामुदायिक रुपमा सञ्चालित मदन भण्डारी मेमोरियल कलेजले आयोजना गरेको आँखा तथा दन्त शिविर सम्पन्न भएको छ ।

कलेजले आफ्नो २१ औँ वार्षिकोत्सवको अवसरमा तिलगंगा आँखा विज्ञान प्रतिष्ठान र समाज डेन्टलको सहकार्यमा शिविर सञ्चालन गरेको हो ।

शनिबार आयोजित शिविरमा २८४ जना दाँतका बिरामी र ४४७ जना आँखाका बिरामीले लाभ लिएका छन् ।

यस्तै, १२ जना मोतियाबिन्दुका बिरामी पहिचान भएको कलेजका समाज कल्याण समितिका संयोजक तथा शिक्षक अरुण शर्माले जानकारी दिए ।

‘आज आयोजित कार्यक्रमबाट २८४ दाँतका बिरामी र ४४७ आँखाका बिरामीले लाभ लिएका छन्, जसमा ५३ जना बिरामीलाई चस्मा लगाउनु पर्ने भएको छ, १२ जना मोतियाबिन्दुका बिरामी पहिचान भएको छ,’ शिक्षक शर्माले भने, ‘मोतियाबिन्दुका बिरामीको निःशुल्क शल्यक्रिया गरिने छ ।’

शिक्षक शर्माका अनुसार काठमाडौं महानगर १० र २९ का स्थानीयले शिविरबाट लाभ लिएका छन् ।उनले भने,‘विनायकनगर, देवीनगर, बुद्धनगर, थापाथली संखमुल, बानेश्वर क्षेत्रका सुकुम्बासी बस्तीका बासिन्दा र वरपरका सरकारी विद्यालयका विद्यार्थी, अन्य कलेजका विद्यार्थीहरुले शिविरबाट लाभ लिएका छन् ।’

कलेजकै विद्यार्थी, शिक्षक, परिवारका सदस्यहरूले समेत उक्त शिविरबाट लाभ उठाएको शिक्षक शर्माले बताए ।शिविर सफलतापूर्वक सम्पन्न गर्न सहयोग गर्ने तिलगंगा आँखा विज्ञान प्रतिष्ठान, समाज डेन्टल, युनिलिभर नेपाल लिमिटेड, स्थानीय स्वयंसेवक, लाभग्राही र कलेजका सम्पूर्ण कर्मचारी तथा विद्यार्थीलाई कलेजका समाज कल्याण समितिका संयोजक तथा शिक्षक शर्माले धन्यवाद ज्ञापन गरेका छन् ।

कलेजले आफ्नो वार्षिकोत्वसको अवसर पारेर शुक्रबार रेडक्रससँगको सहकार्यमा रक्तदान कार्यक्रम गरेको थियो ।उक्त कार्यक्रममा कलेज परिसरकै विद्यार्थी र कर्मचारीले रक्तदान गरेका थिए ।रक्तदान कार्यक्रमबाट ९९ पिन्ट रगत संकलन भएको शर्माले बताए ।

त्यस्तै असार १४ गते हुने वार्षिकोत्सको अवसरमा भोलि (१२) गते कलेज परिसर र कलेज वरिपरका क्षेत्रमा सरसफाइ गर्ने भएको छ ।

फेसबुक प्रतिक्रिया
सम्बन्धित शीर्षकहरु