दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

गुञ्ज्यो कुना कन्दरा

न्यूजलाईन्स् मिडिया संवाददाता
प्रकाशित मिति : २०७९ असार १५ गते, बुधबार ९:२७

शिव अधिकारी

झर्झर झर्झर बर्षियो जलनिधी सौन्दर्यको खालमा
उड्छिन सुन्दरी बोकी पूर्णछ घडा चम्केर आकाशमा
पोखि अमृत पर्व बन्दछ यहाँ यो पन्द्र आषाढको
रोप्छौँ धान जता ततै छ रमिता यो सान संसारको ।। १ ।।

बाजा बज्दछ नाच गान छ सगै मुठा लिदै धानको
अषारे गितको छ गुञ्जन पनि बाउसे र रोपारको
फाँटै टम्म छ सुन्दरी छुपुछुपु रोपेर खेल्दै हिलो
संसारै भरि गुञ्जियो हृदयको भाखा बनि जोसिलो ।। २ ।।

खेलै चल्दछ धान रोप्न रमिता बाउसे छ सम्याउने
आली लाउनु पर्छ पौरखी बनी कोदाली उठाउने
वियाडै तिर विउका मुठी मुठि बाँधेर डोको भरि
बोकी रोप्न पठाउनेहरु पनि यै कर्मका सुन्दरी ।। ३ ।।

बाली लाउन आज उत्सब छ यो थाक्दैन कोही पनि
लाग्छन उत्सब यो मनाउन सबै आफैँ अगुवा बनि
गोरु नारी सम्याउदै दवदवे हिलो बन्यो जल्थल
कैल्यै थाक्नु परेन जाँगर छ झन छ्याप्छन जमेको जल ।। ४ ।।

मानु रोपी मुरी फलाउन सबै गर्छन यहाँ जाँगर
खोली दिल लगाई बेठी खलिया ढाक्छन बनि सागर
बाजा बज्दछ युगलाहरु जुडी नाचेर ढाके गरा
आयो पन्द्र अषाढ चाढ छ ठूलो गुञ्ज्यो कुना कन्दरा ।। ५ ।।

फेसबुक प्रतिक्रिया
सम्बन्धित शीर्षकहरु