दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पशु स्वास्थ्य विधेयकका त्रुटी सच्याउन माग गर्दै नेपाल भेटनरी एशोसिएसनद्वारा आन्दोलनको घोषणा

न्यूजलाईन्स् मिडिया संवाददाता
प्रकाशित मिति : २०७९ भाद्र २ गते, बिहीबार १८:२४

काठमाडौं, २ भदौ । नेपाल भेटनरी एशोसिएसनले गत साउन ३१ गते संसदले पारित गरेको पशु स्वास्थ्य तथा पशु सेवा परिषद विधेयकमा भएका त्रुटीहरु संसोधन गरेर मात्र अघि बढाउन माग गर्दै विरोधका कार्यक्रम सार्वजनिक गरेको छ ।
आज रिपोर्टर्स क्लब नेपालमा पत्रकार सम्मेलन गरेर एसोसियशनले उठाएका जायज मागहरुको नजरअन्दान गरी उक्त विधेयक प्रतिनिधि सभाबाट पारित गरिएको भन्दै त्यसको विरोधमा कार्यक्रम सार्वजनिक गरेको हो ।
एशोसिएसनले कृषि तथा पशुपन्छी विकास मन्त्री मृगेन्द्र कुमार सिंह यादवले आफुहरुले उठाएका मागहरुको नजरअन्दाज गरी संसदमा उक्त विधेयक पेश गरेको आरोप लगाएको छ ।
त्यसको विरोधमा आगामी भदौ १ गतेदेखि ५ गतेसम्म कार्यक्रमहरु सार्वजनिक गर्दै सम्ुपर्ण सदस्यहरुलाई कार्यक्रममा सहभागिता जनाउन एसोसिएशनले आग्रह गरेको छ ।
विरोधस्वरुप भदौ १ गते कार्यस्थलमा कालोपट्टि बाँधेर विरोध जनाउने, भाद्र २ गते पेन डाउन, कामकाज बन्द गर्ने, त्यस्तै, भाद्र ३, ४ र ५ गते काठमाडौ केन्द्रित मेला, अत्यावश्यकका वाहेक उपचार सेवा बन्द गर्ने, प्रदेश समितिले तोकेको मितिमा प्रदेश भेला, भेटेरिनरी शिक्षा सञ्चालन हुने विश्वविद्यालय, कलेज, सिटिइभिटी र शिक्षा विभाग अन्तगतका स्कुलहरुमा अनिश्चितकालिन रुपमा अध्ययन अध्यापन बन्द गर्ने र अनिश्चितकालिन रुपमा पशुपन्छी स्वास्थ्य प्रमाणपत्र जारी नगर्ने जस्ता कार्यक्रम एसोसिएशनले सार्वजनिक गरेको छ ।
नेपाल भेटनरी एशोसिएसनका कार्यवाहक अध्यक्ष प्रा.डा.कृष्णभक्त काफ्लेले आफुहरुले उठाएका मागहरुको नजरअन्दाज गरी पेलेर संसदमा उक्त विधेयक पेश गरेर पारित गरेको भन्दै आपक्ति जनाए । उनले भने,‘एशोसिएसनले कृषि तथा पशुपन्छी विकास मन्त्रालयमा भएका बैठकमा केही विषयमा लिखित असहमति जाहेर गर्दागर्दै पनि हाम्रो कुरा नसुनी पेलेरै विधेयक पारित गराइयो । यसमा हाम्रो आपत्ति छ ।’ विधेयकमा भएका कमजोरीलाई राष्ट्रिय सभाबाट सच्चाएर एसोसिएशनले उठाएका जायज मागहरु सम्बोधन गर्न उनले जोडदार माग गरे ।
उनले जुन असहमतिका विषय कृषि सहकारी तथा प्राकृतिक श्रोत समितिमा पठाइने भनिए पनि उक्त समितिले समेत आफुहरुले उठाएका न्युनतम जायज मागहरुलाई वेवास्ता गरेको गुनासो पोखे ।
गत साउन २२ मा प्रतिनिधि सभामा उक्त विधेयक पेश भएको थियो ।
उनले पशु स्वास्थ्य पशुसँगमात्र नभई मानिससँग पनि जोडिएको बताए । मासिसँग पनि जोडिएको उल्लेख गर्दै यसले विभिन्न प्रकोप, रोगब्याधी ल्याउन सक्ने उनको भनाई थियो । काफ्लेले राष्ट्रिय सभाका सदस्यहरुले आफुहरुको माग राम्रोसँग मनन गर्नेमा विश्वस्त रहेको सुनाए । माग सम्बोधन नभए पशु चिकित्सकले गर्दै गरेका कामहरुमा क्रमबद्धरुपमा असहयोग गर्न वाध्य हुनेसमेत उनले चेतावनी दिए ।
कार्यक्रममा नेपाल भेटेनरी एसोसियशनका पुर्व उपाध्यक्ष श्रीराम अधिकारी, नेपाल भेटेनरी काउन्सिलका पुर्व अध्यक्ष डा.सीताराम अर्याल, स्वयमप्रकाश श्रेष्ठ, डा.वंशी शर्मालगायतले आफ्नो भनाई राखेका थिए ।

यस्तो छ एसोसिएशनले जारी गरेको प्रेश विज्ञप्ती

फेसबुक प्रतिक्रिया
सम्बन्धित शीर्षकहरु