–शिव अधिकारी
संविधान पनि आयो मिठो स्वाद चखाउन
भन्छन मानिस यो साच्चै आएको परिवर्तन
किन लेख्नु परेको यो संविधान भनि कन
सोध्दछन् कोही कुर्लेर साच्चै आफू ठुलो हुन ।। १ ।।
लगानी धेर भो खेती संविधान फलाउन
बर्षौ मानिस लागेका श्रम शिप जुटाउन
कैँयौँ बर्ष भयो यस्तो संविधान बनोस् भनि
ज्यानसम्म दिए हाम्रा राष्ट्र सपूतले पनि ।। २ ।।
संविधान किताबैको आकार हात हातमा
आएको छ नयाँ रुप नयाँ खोज तलासमा
मात्रै किताव भो आज बाँजै भो खेत बारी नै
उपाय खेती पातीको शब्दै छैन यहाँ कुनै ।। ३ ।।
भन्छन् हामी म कांग्रेश कम्युनिष्टहरु छौँ कति
झगडा मात्रमा खेर नफालौँ समय जति
खोजौ जडी बुटि जम्मै उत्पादन गरौ भनि
खेती गरेर यो देश बनोस् भन्दैन क्वै पनि ।। ४ ।।
खेतीकै सारमा खोलौ उद्योग ठाउँ ठाउँमा
रोजगारी दिनु पर्छ युवा छन् गाउँ गाउँमा
विदेश मात्र खेदेर देश रित्तो हुदै गयो
उत्पादन गरौँ हामी शुभकामना यै भयो ।। ५ ।।
२०८० मंसिर १३ - बुधबार
