
शर्मिला विश्वकर्मा, काठमाडौं
निर्मल बाल विकास विद्यालय बौद्धिक अपाङ्गता भएका बालबालिकाहरुलाई शिक्षा प्रदान गर्ने विद्यालय हो । बौद्धिक अपाङ्गता भएका बालबालिकाहरुलाई शैक्षिक, व्यवहारिक ज्ञान र व्यवसायिक तालिम प्रदान गर्दै आएको यस विद्यालयले मंगलबार असोज ११ गते विद्यालयमा नै एक कार्यक्रमको आयोजना गरेर १०३ जना बौद्धिक अपाङ्गता भएका विद्यार्थीहरुलाई छात्रावृत्ति प्रदान गरेको छ ।
काठमाडौं महानगरपालिका अन्तर्गत शिक्ष विभागबाट उपलब्ध गराइएको उक्त छात्रावृत्ति निर्मल बालबिकास विद्यालयले शुभ विजया दशमी, दिपावली, नेपाल संवत ११४३ र छठ पर्वको अवसरमा शुभकामना आदान प्रदान कार्यक्रमको आयोजना गरि वितरण गरेको हो ।

कार्यक्रमका प्रमुख अतिथि एवं काठमाडौं महानगरपालिका वडा नं ३१ क वडा अध्यक्ष सरोज ढकालले ती विद्यार्थीहरुलाई छात्रावृत्ति प्रदान गर्दै यस विद्यालयलाई आफ्नो तर्फबाट आवश्यक सहयोग गर्ने प्रविद्धता व्यक्त गर्नु भयो । त्यसै गरी कार्यक्रमका विशेष अतिथि तथा वरिष्ठ समाज सेवी सुरजचन्द लामिछानेले विद्यालयको अक्षय कोषको लागि रु १० हजार रुपैया प्रदान गर्दै बौद्धिक अपाङ्गता भएका बालबालिकाहरुको शिक्षा र विद्यालय व्यवस्थापनको लागि आवश्यक सहयोग गर्ने बताउनु भयो ।
त्यसै गरी यस निर्मल बालविकास विद्यालयकी प्रधानाध्यापक तथा समाज सेवी ज्योती खानाल / भट्टराईले विद्यालयको अक्षय कोषका लागि रु १५ हजार रुपैया प्रदान गर्नु भयो । यसै क्रममा उहाँले अपाङ्गता भएका व्यक्तिहरुको क्षमता र प्रतिभाको पहिचान गरिनु पर्ने र प्रस्फुटनका लागि अवसर दिनु पर्ने, राज्यले व्यवस्था गरेका हरेक सेवा सुविधाहरु उनीहरुको पहुँचमा पु¥याउनु पर्ने, अपाङ्गता अनुकुलको वातावरणमा विद्यार्थीको आवश्यकता पचिान गरी शिक्षा, स्वास्थ्य तथा रोजगार उपलब्ध गराउनु पर्ने कुरामा जोड दिदै सबैलाई विजया दशमी, शुभ दिपावली, नेपाल संवत ११४३ र छठ पर्वको अवसरमा शुभकामना व्यक्त गर्नु भयो ।

यसै कार्यक्रममा प्रधानाध्यापक तथा समाज सेवी ज्योती खनाल / भट्टराइको पहलमा निर्मल बालविकास विद्यालयको व्यवस्थापनलाई सहज बनाउन, विद्यालयमा हुने खर्चहरुलाई व्यवस्थित रुपले सञ्चालन गर्न विद्यालयको नाममा अक्षय कोष स्थापना भएको छ । यस अक्षय कोषलाई सहज रुपमा सञ्चालन गर्न उहाँले रु १५ हजार रुपैया, वरिष्ठ समाज सेवी सुरजचन्द लामिछानेले रु १० हजार र अभिभावक शान्त बस्नेतले रु १० हजार रुपैया नगद प्रदान गर्नु भयो भने अन्य अभिभावकहरुले पनि आफुले सकेको रकम सहयोग गर्नु भएको छ ।


