
काठमाडौं । रसुवामा फराकिलो मतान्तरले प्रतिनिधिसभामा मोहन आचार्य विजयी भएका छन् । नेपाली कांग्रेसका केन्द्रिय सदस्य समेत रहेका आचार्यले प्रतिद्धन्द्धी नेकपा एमालेका छोवाङ तेन्जिन तामाङलाई फराकिलो मतान्तरले पराजित गर्दै विजयी भएका हुन् ।
प्राप्त मतपरिणाम अनुसार आचार्यले १८२३५ मत प्राप्त गरेका छन् । उनका प्रतिद्धन्द्धी तामाङले ८६१४ मत प्राप्त गरेका छन् । ९६२१ मतको अग्रता ल्याई आचार्यले तामाङलाई पराजित गरेका हुन् ।
आचार्य २०७४ को निर्वाचनमा रसुवाबाट प्रतिनिधिसभा सदस्यमा विजयी भएका थिए । उनी पुनः दोस्रो पटक जिल्लाबाट प्रतिनिधिसभा सदस्यमा विजयी भएका छन् । मंसिर ४ गते भएको निर्वाचनमा जिल्लामा २८ हजार ३ सय ५ मत खसेको थियो ।


