
१० पुष २०७९ शर्मिला विश्वकर्मा, काठमाडौं
अपाङ्गता भएका महिलाहरुको हक हित र अधिकारको लागि काम गर्ने संस्था नेपाल अपाङ्ग महिला संघको हिजो पुष ९ गते २२ औ वार्षिक साधारण सभा तथा ११ औ अधिवेशन काठमाडौंमा सम्पन्न भएको छ । ” अपाङ्गता भएका महिला विरुद् हुने हिंसा अन्त्यका लागि साझेदारी न्यायमा पहुँच ” भन्ने नारा सहित काठमाडौंमा सम्पन्न गरिएको नेपाल अपाङ्ग महिला संघको २१ औ वार्षिक साधारण सभा तथा ११ औ अधिवेशनले टिका देवी दाहालको अध्यक्षतामा आगामी २ वर्षका लागि ११ सदस्यीय नयाँ कार्यसमिति निर्वाचित भएको छ ।
जसमा उपाध्यक्षमा मिना पौडेल, महासचिवमा देबकुमारी पराजुली, सचिवमा सुनिता थापा र कोषाध्यक्षमा शोभा विष्ट निर्वाचित हुनु भएको छ । त्यसै गरी सदस्यहरुमा डम्बरी भट्ट, सरिता थापा मगर, कल्पना ढकाल, चिजमाया वि.क., रश्मी अमात्य र दिल कुमारी ( दिपा) देवकोटा निर्वाचित हुनु भएको छ ।
नवनिर्वाचित कार्य समितिलाई नेपाल अपाङ्ग महिला संघकी पूर्व अध्यक्ष तथा अपाङ्गता भएका महिलाहरुको महासंघ नेपालकी अध्यक्ष निर्मला धितालले बधाई तथा सफल कार्यकालको शुभाकमना व्यक्त गर्दै आगामी दिनमा सबै प्रकारका अपाङ्गता भएका महिलाहरुका सवालहरुलाई प्राथामिकताका साथ अगाडि बढाएर उनीहरुको हक हितको लागि काम गर्न सबै एक जुट भएर लाग्नु पर्ने बताउनु भयो ।
त्यसै गरी यसै संस्थाकी नवनिर्वाचित अध्यक्ष टिका दाहालले यस साधारण सभा तथा अधिवेशन सफल बनाउन सहयोग गर्नु हुने सबैलाई धन्यवाद दिदै अपाङ्गता भएका महिलाहरुका प्रत्येक सवालहरु, हक अधिकारहरु सुनिश्चित गर्न, हिंसामुक्त समाज निर्माण गर्न आफ्नो तर्फबाट सक्दो प्रयास गर्ने बताउनु भयो ।


