दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

प्रधानमन्त्री पुष्पकमल दाहालले संसदमा विश्वासको मत प्राप्त

न्यूजलाईन्स् मिडिया संवाददाता
प्रकाशित मिति : २०७९ पुष २६ गते, मंगलवार १७:५२

काठमाडौं । प्रधानमन्त्री पुष्पकमल दाहालले संसदमा विश्वासको मत प्राप्त गर्नु भएको छ ।

प्रतिनिधिसभामा मंगलवार भएको मतदानमा प्रधानमन्त्री दाहालले २६८ मत प्राप्त गर्दै विश्वासको मत प्राप्त गर्नु भएको हो । विपक्षमा भने २ मत परेको थियो ।

प्रतिनिधिसभामा २७५ सदस्य छन् । आज दुई सय ७० सांसद उपस्थित थिए । प्रस्तावको विपक्षमा दुई मत पर्यो ।

प्रचण्डलाई कांग्रेस, एमाले, माओवादी, राष्ट्रिय स्वतन्त्र पार्टी, राप्रपा, जसपा, एकीकृत समाजवादी, जनमत पार्टी, नागरिक उन्मुक्ति पार्टी, लोसपाले विश्वासको मत दियो ।

यस्तै, प्रतिनिधिसभामा रहेका स्वतन्त्र सांसद्हरू प्रभु साह, डा. अमरेशकुमार सिंहले पनि मत दिए ।

राष्ट्रपतिबाट प्रधानमन्त्रीमा नियुक्त हुँदा प्रचण्डले सात राजनीतिक दल र दुई स्वतन्त्र गरी १६९ सांसदको समर्थन प्राप्त गरेका थिए ।

प्रधानमन्त्रीमा समर्थन नगर्ने दलहरुले समेत विश्वासको मत दिने भएपछि अब प्रतिनिधिसभामा एक÷एक सिट रहेका नेपाल मजदुर किसान पार्टी (नेमकिपा) र राष्ट्रिय जनमोर्चा मात्रै प्रचण्डलाई विश्वासको दिएनन् । नेमकिपाका प्रेम सुवाल र राष्ट्रिय जनमोर्चाका चित्रबहादुर केसीको विपक्षमा मतदान गरे ।

बहुमतसहित प्रधानमन्त्री पुष्पकमल दाहालले संसदबाट विश्वासको मत लिनु भएको सभाका ज्येष्ठ सदस्य पशुपतिशमशेर राणाले घोषणा गर्नु भयो ।

प्रतिनिधिसभाका सभाको अर्को बैठक माघ ५ गते बिहीबार बिहान ११ बजेका लागि बोलाइएको छ ।

फेसबुक प्रतिक्रिया
सम्बन्धित शीर्षकहरु