दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

शहिद प्रति श्रद्धा अर्पण

न्यूजलाईन्स् मिडिया संवाददाता
प्रकाशित मिति : २०७९ माघ १६ गते, सोमबार ९:२८

–शिव अधिकारी-

पुर्खाको छ अपार शक्ति सुखको आशिष नै अमृत
आफ्नो ज्यान दिएर यो भुमि दिदा हुन्थे सधै गर्वित
कैल्यै सम्झनु ख्वै परेन तिनले आफ्ना कुनै सन्तति
तिन्कलागि भए सबै ति जनता सन्तान जे जे जति ।। १ ।।

छाती खोली पिएर गोली तिनले विरत्व जागा गरे
ख्वै तिन्को शुभ कर्म सम्झि अहिले नेता बनेका अरे
भ्रष्टाचार कतै थिएन उनको समाज छल्ने कुरा
यो श्रृष्टि अव फेर्नु पर्छ रसिला बन्छन कुना कन्दरा ।। २ ।।

यो भूमि अहिले छ प्रिय सबको यै स्वर्गको रम्झम
यै धर्ति भरि चम्किने प्रकृतिको आभा बनि हर्दम
फल्छन अमृतका अनेकन कुरा संञ्जिबनी फाँटमा
पाखा पर्वतको चुली छ हिउले ढाकि सधै शिरमा ।। ३ ।।

मान्छे पूर्ण सधै छ प्रेम लहरी बाँडेर आफै संग
पाखामा ढकमक्क छन फुलहरु सुभाषले मग्मग
फूलै फूल फुलेर सुन्दर बने पाखा पखेर हरु
आफैमा ढकमक्क छन ति मुजुरा क्वँै छैन यस्तो अरु ।। ४ ।।

यस्तो अमृतको मिठो रस भरि बाडेर संञ्जिवनी
सारा सन्तति हुन अजम्बरी भनि त्यागि दिए जिवनी
छातिमा जब बज्रियो अधमको गोली निलेको दिन
त्यस्ता पृय शहिदका प्रति सधै श्रद्धाञ्जली अर्पन ।। ५ ।।

बबाधामको कोसेली १६ माघ २०७९
शिव अधिकारी
शहिद प्रति श्रद्धा सुमन बाबाधाम अधिकारी परिवार

फेसबुक प्रतिक्रिया
सम्बन्धित शीर्षकहरु