दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

किसानलाई पेन्सनको व्यवस्था गर्न माग

न्यूजलाईन्स् मिडिया संवाददाता
प्रकाशित मिति : २०७९ माघ २४ गते, मंगलवार ५:४८

काठमाडौँ । किसान सङ्घर्ष समितिले किसानले उत्पादन गरेको वस्तुको उचित मूल्य लागू गर्न माग गरेका छन् । सङ्घर्ष समितिले आज किसानलाई परेका समस्या तत्काल समाधान गर्न माग गर्दै काठमाडौँको बाफलमा प्रदर्शन गरेको हो ।

समितिले वास्तविक किसानको पहिचान गर्नुपर्ने, किसानलाई पेन्सनको व्यवस्था लागू गर्नुपर्ने, किसानबाट उत्पादित वस्तुलाई बजारको सुनिश्चित गर्नुपर्ने, मल, विउ विजन उचित व्यवस्था गर्नुपर्ने, कृषिलाई यन्त्रिकरण गर्नुपर्ने, उत्पादनमा आधारित अनुदानको व्यवस्था गर्न माग गरिएको सङ्घर्ष समितिका अध्यक्ष कुमार लामिछानेले जानकारी दिनुभयो ।

यस्तै, समितिले साना किसानको ऋण मिनाह गर्नुपर्ने, पशुपन्छि आहारको अनुदानको व्यवस्था गर्नुपर्ने, किसान कार्डको व्यवस्था गर्नुपर्ने, विना धितो ऋणको व्यवस्था गर्नुपर्ने, प्रत्येक वडामा चिस्यान केन्द्रको व्यवस्था गर्नुपर्नेलगायतका माग राखेका छन् ।

अध्यक्ष लामिछानेले सरकारले किसानको मागलाई सम्बोधन गर्न कुनै चासो नदेखाएकाले आन्दोलन गर्न बाध्य हुनुपरेको बताउनुभयो । उहाँले किसानले उत्पादन गरेका वस्तुले बजार नपाउँदा भुईँमै फाल्नुपर्ने व्यवस्थाको अन्त्यका लागि सरकारले विशेष कदम चाल्न आग्रह समेत गर्नुभयो ।

फेसबुक प्रतिक्रिया
सम्बन्धित शीर्षकहरु