दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

लोकदोहोरी प्रतिष्ठानबाट बाहिरिएको गायक विष्णु खत्रीको घोषणा

न्यूजलाईन्स् मिडिया संवाददाता
प्रकाशित मिति : २०७९ फाल्गुन १० गते, बुधबार १९:०३

काठमाडौं । गायक विष्णु खत्रीले राष्ट्रिय लोक तथा दोहोरीगीत प्रतिष्ठानबाट आफू सधैको लागी बाहिरिएको घोषणा गरेका छन । सामाजिक सञ्जालमा वक्तव्य जारी गर्दै उनले आफूले नयाँ संस्था खोल्न लागेको र त्यो सँस्थामा हातेमालोका लागि आउन सम्पुर्ण कलाकारहरुलाई आह्वान समेत गरेका छन । वरिष्ठ लोकगायक बमबहादुर कार्की ,विष्णु खत्री,बैकुन्ठ महतलगाएतले राष्ट्रिय लोक तथा दोहोरीगीत क्षेत्रको हितको लागी नयाँ संस्था स्थापनाको तयारी अन्तिम अवस्थामा पुर्याएका छन । जनसवालसँग कुरा गर्दै वरिस्ठ गायक खत्रीले आफूहरु नयाँ संस्थाको विधान लेखनको अन्तिम चरणमा रहेको र आगामी महिना बृहत संस्था गठनको औपचारिक घोषणा गर्ने जनाउदै नामका बारेमा छलफल भइरहेको बताए ।उक्त संस्थाको अध्यक्षमा वरिस्ठ गायक कार्की रहनेछन भने महासचिवमा खत्री रहने सहमती भएको छ । वरिस्ठ कलाकार र विज्ञसहितका संगीतकर्मीलाई अन्य पदमा नियुक्त गर्ने तयारी भइरहेको खत्रीले बताए । राष्ट्रिय लोक तथा दोहोरीगीत प्रतिष्ठानमा नयाँ नेतृत्वको लागि चुनावी गर्मागर्मीमा व्यस्त भइरहँदा अन्य वरिस्ठ कलाकारहरु नयाँ संस्था खोल्न तिब्र रुपमा जुटेका छन ।
‘प्रतिष्ठानको नेतृत्व स्याङ्जा र पाल्पा जिल्लाको मनोविज्ञानबाट माथि उठ्न नसकेको, संकीर्ण सोचले लोकदोहोरी क्षेत्रको विकास हुन नसकेकाले नयाँ संस्था खोलि तेस्मा लोकदोहोरी मात्र नभएर सबै संस्कृति क्षेत्रका व्यक्तित्वलाई समेट्ने तयारी गरेको खत्रीले बताए । प्रतिस्ठानका केही सिमित ब्यक्तिले सँस्थालाई घेराभित्र राखी मनोमानी गरेकाले अर्को सँस्था खोल्न वाध्य भएको खत्रीले बताए ।
प्रतिष्ठानको आसन्न महाअधिवेशन,आर्थिक घोटाला,मनोमानी र कार्यशैलीप्रति असन्तुष्ट जनाउँदै नयाँ संस्था खोल्न लागेको प्रतिस्ठानका पूर्वमहासचिव समेत रहेका खत्रीले बताए ।
खत्रीले आजैको मितिबाट सांगठनिक र भावनात्मक रुपले प्रतिस्ठानको यात्रामा पूर्णबिराम लगाएको बताएका छन ।
उनले कलाकारको हकहितको मुद्दा र संस्कृति जगेनार्थ आफू लागी पर्ने बताए । खत्रीले सबै कलाकार र संस्कृतिकर्मीलाई समेटेर आफूहरुले नयाँ संस्था खोल्न लागेको जानकारी दिंदै नया सँस्थामा समाहित हुन सबैलाई आग्रह समेत गरेका छन ।
धादिङमा फागुन १२ गतेदेखि हुन लागेको प्रतिष्ठानको महाधिवेशनअघि आएको खत्रीको सँस्था छाड्ने निर्णयले प्रतिष्ठानको आन्तरिक राजनीतिमा तरंग सिर्जना गरेको छ । मंगलबार रिपोर्टर्स क्लबमा आयोजित पत्रकार सम्मेलनमा प्रतिष्ठानका पूर्वअध्यक्ष तथा गायक बद्री पंगेनीले खत्रीको योगदानको प्रशंसा गर्दै उनलाई संस्थामै राखिराख्न प्रयत्न गर्ने बताएका थिए । उनले त्यस्तो अभिव्यक्ति दिएको भोलिपल्टै खत्रीले संस्थाबाटै बाहिरिएको घोषणा गरेका छन।

फेसबुक प्रतिक्रिया
सम्बन्धित शीर्षकहरु