काठमाडौ । द मल्ल होटल लैनचौरमा असिस्टेन्ट चिफ इन्जिनियर पदमा कार्यरत हस्पिलिटी क्षेत्रमा सक्रिय युवा इन्जिनियर बेजिन्द्र गौतम राष्ट्रिय पर्यटन सेवी सम्मान २०७९ बाट सम्मानित भएका छन् ।
काठमाडौमा बिहीबार फोकस नेपालले आफ्नो दशौँ वार्षिकोत्सवका अवसरमा आयोजना गरेको “बर्तमान शिक्षा नीति र आगामी चुनाैतीहरू” भूमिका” विषयक विचार गोष्ठी तथा शुभकामना बिशेश सम्मान कार्यक्रममा प्रमुख अतिथि मन्त्रिपरिषद्का पूर्वअध्यक्ष खिलाराज रेग्मी र बिशिस्ट अतिथि पूर्व शिक्षा,विज्ञान तथा प्रविधि मन्त्री देवेन्द्र पौडेलले गौतमलाई सम्मान गरेका हुन् ।
सम्मानित भए पछि खुसि ब्यक्त गर्दै गौतमले आफुलाई लायक सम्झेर सम्मान गरेकोमा फोकस नेपालका अध्यक्ष रामचन्द्र पोखरेल लाई धन्यबाद दिदै हस्पिलिटी तथा सामाजिक क्षेत्रमा अझै क्रियाशील हुन र काम गर्न यो सम्मानले प्रेरणा मिलेको बताउनुभयो।
सन २००५ मा इलेक्ट्रिकल इन्जिनियरिङ् सकिएपछि हस्पिलिटी क्षेत्रमा प्रवेश गरेका बेजिन्द्र होटल अन्नपूर्ण,द्वारिकाज होटल, होटल अकमा ,रूपाकोट रिसोर्ट,बेलायत,अफ्रिका लगाएतमा कर्म क्षेत्र बनाउँदै लोभलाग्दो सफलता अनुभव हासिल गरिसकेका छन् ।
कार्यक्रममा आयोजक फोकस नेपालका अध्यक्ष रामचन्द्र पोखरेलले फोकस नेपालले हरेक वर्ष देश र समाजलाई योगदान दिने व्यक्तित्वहरुको कामको मूल्यांकन गर्दै संस्थाले सम्मान गर्ने बताए ।
कलाकारहरूले नृत्य एवं बिशेष साँगितिक प्रस्तुति सहित आयोजना भएको कार्यक्रममा विभिन्न क्षेत्रमा कार्यरत समाजसेवी तथा व्यवसायीहरूलाई पनि सम्मान गरिएको थियो ।
२०८० मंसिर १३ - बुधबार
