तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

महर्षि स्कुलद्धारा पवित्रनगर समाजलाई डस्बिन सहयोग

न्यूजलाईन्स् मिडिया संवाददाता
प्रकाशित मिति : २०८० बैशाख १४ गते, बिहीबार ५:३६

काठमाडौँ, १३ बैशाख । काठमाडौँको सामाखुशीमा सञ्चालित महर्षि स्कुलले पवित्रनगर समाजलाई डस्बिन सहयोग गरेको छ ।

महर्षि स्कुलले आज आफ्नो संस्थाको सामाजिक उत्तरदायित्व कार्यक्रमअन्तर्गत आज पवित्रनगर समाजलाई दश थान डस्बिन र डस्बिन राख्ने फलामको स्टाण्ड सहयोग गरेको हो ।

आज पवित्रनगर समाजको कार्यालयमा आयोजित कार्यक्रममा महर्षि स्कुलका अध्यक्ष प्रकाशचन्द्र दवाडीले पवित्रनगर समाजका अध्यक्ष सूर्यमणि पौडेललाई उक्त डस्बिन र स्टाण्ड हस्तान्तरण गर्नुभयो ।

कार्यक्रममा बोल्दै महर्षि स्कुलका अध्यक्ष दवाडीले पवित्रनगर क्षेत्रको फोहोर व्यवस्थापनमा सहयोग पुग्ने उदेश्यले आफ्नो विद्यालयले उक्त डस्बिन सहयोग गरेको बताउनुभयो ।

पवित्रनगर समाजका अध्यक्ष पौडेलले पवित्रनगर क्षेत्रलाई स्वच्छ, सफा राख्नका लागि डस्बिन वितरणले सहयोग पुग्ने विश्वास व्यक्त गर्नुभयो । विस २०४९ सालमा स्थापना भएको पवित्रनगर समाजमा हाल २५० घर आवद्ध छन् ।

पवित्रनगर समाजका महासचिव बन्धुराज खनालले पवित्रनगर क्षेत्रका प्रत्येक चोकमा उक्त डस्बिन राखिने बताउनुभयो । पवित्रनगर क्षेत्रको विकासका लागि समाजले काम गर्दै आइरहेको महासचिव खनालको भनाई थियो ।

स्कुलका प्राचार्य निर्मल पौडेलले आफुले दिएको डस्बिन पवित्रनगर क्षेत्रको फोहोर व्यवस्थापनमा सहयोग पुग्ने विश्वास व्यक्त गर्नुभयो । उहाँले आवश्यक परे आगामी दिनमा पनि स्कुलले सहयोग गर्ने बताउनुभयो ।

यसअघि सोही स्कुलले प्रहरी प्रभाग नयाँ बसपार्कमा प्रहरी सुत्नका लागि खाट वितरण गरेको थियो । आगामी दिनमा समेत सहयोगलाई निरन्तरता दिने प्राचार्य पौडेलको भनाई छ । सोही स्कुलले पवित्रनगर समाजको पुस्तकालयलाई समेत आर्थिक सहयोग गरेको छ ।

फेसबुक प्रतिक्रिया
सम्बन्धित शीर्षकहरु