
काठमाडौँ, १५ वैशाख । नेपाली काँग्रेसका नेता प्रकाशचन्द्र दवाडीको पहलमा क्यान्सरका विरामी धनबहादुर गुरुङलाई रु ९० हजार ३०० सहयोग गरिएको छ ।
चितवन मेडिकल कलेज भरतपुरमा मुटु र आन्द्राको क्यान्सरको उपचार गरिरहनुभएका अजिरकोट गाउँपालिका–४ का गुरुङलाई उक्त सहयोग गरिएको हो ।
गण्डकी प्रदेशका पूर्व सांसद दवाडीले जापानमा रहनुभएका भुमे जनकल्याण समाजका सदस्य भूमिराज दवाडीमार्फत सङ्कलन गरिएको उक्त रकम गुरुङको परिवारलाई आज हस्तान्तरण गर्नुभएको हो ।
गुरुङको उपचारका लागि प्रकाशचन्द्र दवाडी रु चार हजार, लक्ष्मण गैरे रु १० हजार, भुमीराज दवाडी रु पाँच हजार, डिलबहादुर तामाङ रु पाँच हजार, टिकाराम कडेँल रु पाँच हजार, सुनिल रावत रु एक हजार, सुनिल केसी रु दुई हजार ३४०, विरबहादुर परियार रु पाँच हजार सहयोग गर्नुभएको छ ।
यस्तै, सुवास दवाडीले रु पाँच हजार, राजन सापकोटाले रु पाँच हजार, नवराज भट्टराईले रु पाँच हजार, गुरुदेव कडेँल रु पाँच हजार, विवेक कडेँल रु पाँच हजार, सन्तोष भण्डारी रु पाँच हजार, पासाङ तामाङ रु दुई हजार, ईन्द्रबहादुर गुरुङ रु दुई हजार, जनक गुरुङले रु दुई हजार सहयोग गर्नुभएको छ ।
यसैगरी, केशव कार्की रु तीन हजार, हर्कबहादुर खत्री रु दुई हजार, हरि पाठक रु तीन हजार, अनुप पौडेल रु तीन हजार, सुन्दर क्षेत्री रु तीन हजार, सुवास कडेँल रु तीन हजार र विकास भट्टराईले रु दुई हजार सहयोग गर्नुभएको थियो ।
गुरुङको उपचारमा सहयोग गर्न ईच्छुक व्यक्तिले विरामीको श्रीमती सनमाया गुरुङको नाममा रहेको एनआईसी एशिया बैँक चितवनको बसेनी शाखाको खाता नं २६४५७५२६८८७५५००१ मा रकम संकलन गर्न सकिने पीडित परिवारले जनाएको छ ।


