तेस्रो प्रयासमा सुदूरपश्चिमको सपना पूरा, बन्यो एनपीएल च्याम्पियन⚡दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल

विश्व बैंक,आईएलओमा कन्सल्टेन्ट भइसकेका इन्जिनीयर लक्ष्मण केसीले सिडेनको नेतृत्व लिँदै

न्यूजलाईन्स् मिडिया संवाददाता
प्रकाशित मिति : २०८० जेष्ठ १२ गते, शुक्रबार ९:१७

काठमाडौँ । आगामी १३ जेठमा सेन्टर फर डेमोक्रेटिक इन्जिनियर्स नेपाल (सिडेन) को सातौ केन्द्रीय कार्यकारिणी समितिको निर्वाचन हुँदैछ । नेपाली काँग्रेसको शुभेच्छुक संस्था सिडेनको केन्द्रीयसँगै प्रदेशहरूको समेत कार्य समिति चयन हुनेछ । कार्यकारिणी समितिको अध्यक्ष पदका लागि विभिन्न व्यक्तिहरूले उम्मेदवारी दिएका छन् ।

यसै क्रममा इन्जिनियर लक्ष्मण केसी प्यानलसहित अध्यक्षका लागि उम्मेदवारी दिएका छन् । विदेशमा आकर्षक जागिर छाडेर नेपालमा केही गर्ने सोचका साथ नेपाल फर्केका इन्जिनीयर केसीले सिडेनलाई प्रविधिमैत्री बनाएर सम्पूर्ण इन्जिनीयरको हक, हित र अधिकारमा लाग्ने बताएका छन् । उनले विगतमा आफूले गरेको काम र सिडेनमा गरेको योगदानको आधारमा विजयी गराउने अपेक्षा राखेको बताएका छन् ।

सिडेनका संस्थापक तथा पूर्व उपाध्यक्षसमेत रहेका केसीले यो पटकको नेतृत्व आफूले पाएमा धेरै काम गर्ने बताए । अक्मी इन्जिनियरिङ कलेजबाट इन्जिनियरिङ विषयमा स्नातक तह उत्तीर्ण गरेका केसीले अमेरिकाको युनिभर्सिटी हवाईबाट इन्जिनियरिङ विषयमा स्नातकोत्तर गरेका छन् ।

केसीले विश्व बैंक, आईएलओ लगायतका अन्तर्राष्ट्रिय संस्थाहरूमा कन्सल्टेन्टको रूपमा समेत काम गरिसकेका छन् । अमेरिकामा मास्टरको पढाई सकेपछि केही समय पेशागत काम समेत गरेका थिए । त्यसपछि नेपाल फर्किएर अहिले आफ्नो कर्मसँगै सामाजिक कार्यमा समेत सक्रिय छन् ।

अहिले उनी नेपाल इन्टिग्रिडेड रिसर्च एण्ड डेभ्लपमेन्ट फाउन्डेशनको एक्जुकेटिभ डाइरेक्टर छन् । त्यस्तै एक्जुकेटिभ कन्सल्टिङ इन्जिनियर्स एण्ड प्लानर्सको डाइरेक्टर समेत छन् ।

के छन् योजना ?

सिडेनको निर्वाचनमा ६ हजार भन्दा बढी इन्जिनियरहरूले निकै उत्साह र उमंगका साथ हेरेका छन् । त्यसका लागि उनीहरूले राम्रो मिसन र भिजन भएको सक्षम उम्मेदवार खोजिरहेका छन् । इन्जिनियर केसीले उक्त मिसन र भिजन आफूसँग रहेको दाबी गरे ।

अहिले देशको माग नै युवा, डेलिभरी भएको, केही नयाँ गर्न सक्ने खालको हुनुपर्छ भन्ने रहेको भन्दै संस्थाहरूमा पनि यस्तै चाहिने उनले बताए । ‘हाम्रो संस्थामा पनि राम्रो, उर्जावान, सक्षम खालको व्यक्ति आउनुपर्छ भन्ने आम इन्जिनियर साथीहरूको चाहना हो । त्यसका लागि लागि मेरो उम्मेदवारी हो’ केसीले भने ।

उनले अगाडि भने, उपाध्यक्ष भएको बेला थुप्रै काम गरिसकेको छु । राष्ट्रिय कन्फ्रेन्सको आयोजना गर्नेदेखि लिएर विभिन्न समितिमा चेयरमेनको रूपमा कामको अनुभव छ । सबै कुराले अरू उम्मेदवारहरूभन्दा म सक्षम छु ।’

प्रत्येक २÷२ वर्षमा सिडेनको निर्वाचन हुँदै आएको छ । यो नितान्त आन्तरिक चुनाव भएकाले यहाँ हार र जितको भन्दा पनि संस्थालाई कसरी अगाडि बढाउने भन्ने कुराको कार्यदिशामा केन्द्रीत भएको उनको भनाई छ ।

‘हाम्रा थुप्रै खालका समस्या, चुनौती छन् । राज्यसँग लड्नुपर्ने थुप्रै विषय छन् । ती सबै कुरामा हामी दृढ भएर अगाडि बढ्छौ । सम्पूर्ण इन्जिनियरहरूको हक हितका लागि लड्छौं ।’ केसीले भने ।

अहिले मुलुकका इन्जिनियरहरूको माग र उत्पादनबारे कहीँ कतै अध्ययन नभएको उनको भनाई छ । ‘हामीसँग कति इन्जिनियर छन् । नेपालमा कतिले पढिरहेका छन् भन्ने जानकारी त आउँछ । तर बाहिर देशबाट पनि पढेर आउँछन् । उनीहरूको यकिन डाटा आएन । नेपाल इन्जिनियरिङ काउन्सिलले बल्ल लाइसेन्स दिन थालेको छ । अब यकिन तथ्यांक आउन सक्छ कि रु’ उनले भने ।

इन्जिनियरहरूको पेशागत हकहितका लागि समेत आफूले काम गर्ने भन्दै उनले भने, ‘हामीले उचित मूल्यमा काम गर्न पाएका छैनौं । हामीभित्रमा पनि दक्षताको कमी छ । त्यसका लागि अभिमुखीकरण चाहिन्छ ।’ अभिमुखीकरणमा लाग्ने उनको भनाई छ । सबै इन्जिनियरहरूले आफूलाई अत्यधिक मत दिएर विजयी गराउनेमा आफू पूर्ण विश्वस्त रहेको उनले बताए ।

फेसबुक प्रतिक्रिया
सम्बन्धित शीर्षकहरु