
नुवाकोट । ककनी गाउँपालिका ३ चाउथे स्थित श्री कालिका माध्यमिक विद्यालयमा जेठ बाईस गते सोमबार राती अज्ञात समुहले विद्यालयको ताला तोडफोड गरी चोरी गरेको छ।
बिहान स्कुल खोल्ने बेलामा चोरी भएको थाहा पाई प्रहरीलाई खबर गरेको चोरीमा संलग्नको बारेमा अहिलेसम्म पहिचान हुन नसकेको बिधालय ब्यबस्थापन समितिका अध्यक्ष बलराम बजगाईले जानकारी दिनु भयो ।
बिधालयको पाँच वटा कोठा तोडफोडगरि बिद्यालयमा रहेको ४३ इन्चको १ थान रंगिन टिभी, ल्यापटप सेट १ थान, सिसि क्यामेराको मनिटर ,क्यान्टिनमा भएको केही नगद चोरी भएको छ।
घटनाको बारेमा प्रहरीलाई उजुरी दिएको भएपनि चोरीमा संलग्नको बारेमा अहिलेसम्म पहिचान हुन नसकेको अध्यक्ष बजगाईले बताउनुभयो ।


