
ओमन, गैर आवासीय नेपाली संघ एनआरएनएको नवौ मध्यपुर्ब क्षेत्रीय भेला २८ देखी ३० जुनमा होटेल मस्कट होलिडे ओमानमा हुने एनआरएनए मध्यपुर्वले जनाएको छ । उक्त भेलाका बारेमा बिस्तृत जानकारी दिन आज साझ ८ बजे पत्रकार सम्मेलन गरिने एनआरएनए मध्यपुर्व संयोजक मनोज गोर्खाली र राजेन्द्र अर्याल जोनले एक प्रेष बिज्ञप्ती जारी गर्दै बताएका छन ।
आजको कार्यक्रम भर्चुअल रूपमा गरिने एनआरएनए मध्यपुर्वले जानकारी गराएको छ । जुम बैठकमार्फत गरिने उक्त पत्रकार सम्मेलनको जुम लिंक निम्न रहेको छ ।
Join Zoom Meeting
https://zoom.us/j/99234309932?pwd=cDl4S3pwSDdNNGVPaUsrZHBCd1FoZz09
Meeting ID: 992 3430 9932
Passcode: 2023
यस कार्यक्रमको उद्देश्य २८ देखी ३० जुन २०२३ सम्म ओमानमा हुने ८ औं एनआरएनए मध्यपूर्व क्षेत्रीय सम्मेलनको तयारीका बारेमा महत्त्वपूर्ण अपडेटहरू सार्वजनिक गरिने रहेको एनआरएनए ओमानका अध्यक्ष एबं आठौं एनआरएनए मध्यपूर्व क्षेत्रीय सम्मेलनका सदस्य सचिव बिकल झाले बताए ।सदस्य सचिव झाले उक्त भेलालाई सफल बनाउन मध्यपुर्वमा रहेका एनआरएनए अभियन्ता र ओमानवासी नेपालीहरु सकृय भएर लागेको बताए ।
उक्त पत्रकार सम्मेलन कार्यक्रममा एनआरएनए अभियन्ताहरु र संचार माध्यमका बिच विचारहरू आदानप्रदान गर्ने,सम्मेलनका ऊद्देश्यका बारेमा जानकारी गराउने, उक्त भेलामा सम्भावित सहभागीहरूलाई उनीहरूको सही सहभागिता व्यवस्था सुनिश्चित गर्दै सन्देश फैलाउन उत्कृष्ट प्लेटफर्म प्रदान गर्ने रहेको एनआरएनए मध्यपूर्व संयोजक मनोज गोर्खालीले बताए । उनले यस कार्यक्रममा एनआरएनएका नेतृत्ववर्ग र मिडिया प्रतिनिधिहरूको उपस्थितिको लागी आग्रह गरे । गोर्खालीले एनआरएनए मध्यपूर्व भेला उत्कृस्ट बनाउन आफुहरु लागीपरेको बताए । एनआरएनए मध्यपूर्वका संयोजक राजेन्द्र अर्यालले यो भेला मध्यपुर्वमा रहेका नेपालीका लागी कोषेढुंगा सावित हुने जनाउदै भेला भेलामा मात्रै सावित नगराई नतिजामुखी बनाऊन आफुहरु कृयाशिल रहेको बताए ।


