सबैले योग गर्ने बानी बसालौं– सदस्य–सचिव घिसिङसहकारी रोजगार मेला सुरु! रोजगारी खोज्ने युवालाई ठुलो अवसर - सहकारी मन्त्रीआज अन्तर्राष्ट्रिय योग दिवस नेपालमा विभिन्न कार्यक्रमको आयोजना गरी मनाइँदैगोल्डेनगेट एसईई कप शनिबारदेखि हुनेविद्यालय खेलकुदसँग बक्सिङको साझेदारीआमा कुजाईन रेस्टुरेन्ट क्यानडाका निर्देशक ज्ञानेन्द्र बञ्जारा सम्मानितहेर्नुस् आज असार ७ गते शुक्रबारको राशिफलसगरमाथा आधार शिविरमा ‘विश्व शेफ सम्मेलन’ घोषणा,समाज कल्याण परिषद्लाई सातै प्रदेशमा विस्तार गरिनेपिकोलो रेस्टुरेन्ट एण्ड इभेन्ट्सका प्रवन्ध निर्देशक श्रेष्ठ सम्मानित

“बोर्डको पहल: दुधलाई औपचारिक क्षेत्रमा लैजाने “

न्यूजलाईन्स् मिडिया संवाददाता
प्रकाशित मिति : २०८० असार २१ गते, बिहीबार १४:५४

असार- २१ ललितपुर, चाँपागाउँमा राष्ट्रिय दुग्ध विकास बोर्डको आयोजना एवं ललितपुर जिल्ला दुग्ध उत्पादक सहकारी संघ लि. सहयोगमा अनौपचारिक दुधलाई औपचारिक क्षेत्रमा लाने सम्बन्धि एक दिने अभिमखिकरण कार्यक्रम सम्पन्न गर्‍यो ।

कार्यक्रममा राष्ट्रिय दुग्ध विकास बोर्डको तर्फबाट डा. बालक चौधरीले कार्यपत्र प्रस्तुत गरे भने ललितपुर जिल्ला दुग्ध उत्पादक सहकारी संघ लि.को तर्फबाट अध्यक्ष कृष्ण प्रसाद सापकोटाले प्रस्तुत गरे । कार्यपत्र प्रस्तुत पछि उपस्थित किसान र प्रतिनिधिहरुले विभिन्न सुझावका साथै प्रश्न गरेका थिए ।

कार्यक्रम ललितपुर जिल्ला दुग्ध उत्पादक सहकारी संघ लि.का अध्यक्ष कृष्ण प्रसाद सापकोटाको अध्यक्षतामा भएको थियो भने प्रमुख अतिथिमा राष्ट्रिय दुग्ध विकास बोर्डका कार्यकारी निर्देशक डा. राजेन्द्र प्रसाद यादब रहनुभएको थियो। कार्यक्रममा नेपाल डेरी एसोसिएसनका अध्यक्ष प्रल्हाद दाहाल, केन्द्रिय दुग्ध उत्पादक सहकारीका महासचिव एवं राष्ट्रिय दुग्ध विकास बोर्डका सदस्य राम प्रसाद आचार्य, राष्ट्रिय दुग्ध विकास बोर्डका उपकार्यकारी निर्देशक डा. बालक चौधरी, प्रशासन प्रमुख बिदुर राई, योजना शाखाका प्रमुख दिपेन्द्र अधिकारी, आर्थिक प्रमुख ओम खरेल, नेपाल डेरी एसोसिएसनका केन्द्रिय सह-कोषाध्यक्ष रामभक्त दाहाल, सदस्य रमेश संजेल, शिव प्रसाद घिमिरे, बागमती प्रदेश अध्यक्ष टीका प्रसाद घिमिरे, ललितपुर दुग्ध व्यवसायी संघका उपाध्यक्ष दिपक संजेल,गोदावरी नगरपालिकाका पशु सेवा शाखा प्रमुख ईश्वर घिमिरे, जिल्ला सहकारी संघका पदाधिकारी एवं ललितपुरका दुग्ध सहकारीका प्रतिनिधि एवं किसानको बाक्लो उपस्थिति रहेको थियो ।

कार्यक्रममा बोल्दै गोदावरी नगरपालिकाका पशु सेवा शाखा प्रमुख ईश्वर घिमिरेले यस्तो कार्यक्रम राष्ट्रिय स्थरमा गर्नु पर्ने,गोदावरी नगरपालिकाले दुग्ध क्षेत्रको लागि विशेष कार्यक्रम ल्याएको बताउनु भयो । नेपाल डेरी एसोसिएसन बागमती प्रदेशका अध्यक्ष टीका प्रसाद घिमिरेले दुई समय नै दुध संकलन गर्न सकियो भने दुधको गुणस्तर राम्रो रहने कुरा बताउनु भयो । नेपाल डेरी एसोसिएसनका अध्यक्ष प्रल्हाद दाहालले उपभोक्ताको चाहाना अनौपचारिक क्षेत्रको दुधमा हुनु कारण के हो ? औपचारिक क्षेत्रमा किन उपभोक्ताको चाहाना भएन ? भन्ने कुरा अत्यन्तै महत्वपूर्ण कुरा हो । हामीले अब बिस्तारै सम्बन्धित निकायले सहयोग गर्दै बिस्तार सबै अनौपचारिक क्षेत्रको दुधलाई औपचारिक रुपमा लान हामी सबैले सहयोग गर्न आवश्यक छ भन्ने कुरा बताउनु भयो । केन्द्रिय दुग्ध सहकारी संघका महासचिव राम प्रसाद आचार्यले यो डेरी क्षेत्र बुझ्नै गार्‍हो भयो किन भने कहिले दुध बढी हुने त कहिले घटि हुने कुराले किसानलाई अत्यन्तै कठिन भएको कुरा बताए । राष्ट्रिय दुग्ध विकास बोर्डका कार्यकारी निर्देशक एवं कार्यक्रमका प्रमुख अतिथि डा. राजेन्द्र प्रसाद यादबले यस्तो कार्यक्रम बोर्डले देशैभरी गर्ने र बोर्ड सधैं किसान र उद्योगको हितमा लाग्ने कुरा बताउँदै ललितपुर जिल्ला दुग्ध सहकारी संघलाई विशेष धन्यवाद दिनु भयो । कार्यक्रमको अन्तिममा अध्यक्ष सापकोटाले सबैलाई धन्यवाद दिंदै ललितपुरले गुणस्तर दूध उत्पादन गरि आम उपभोक्ता माझ पुर्‍याउन ठूलो भुमिका रहेको बताउनु भयो ।

फेसबुक प्रतिक्रिया
सम्बन्धित शीर्षकहरु