दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मन्त्री मोदी र कोरियाली परराष्ट्रमन्त्रीका दूतबीच द्धिपक्षीय भेटवार्ता

न्यूजलाईन्स् मिडिया संवाददाता
प्रकाशित मिति : २०८० असार २२ गते, शुक्रबार १५:२९

दक्षिण कोरिया । संघीय मामिला तथा सामान्य प्रशासनमन्त्री अमन लाल मोदी र दक्षिण कोरियाका परराष्ट्रमन्त्री पार्क जिनका दूत ली हुन वुकबीच भेटवार्ता भएको छ ।

कोरियाको बुसान सहरमा भएको द्धिपक्षीय भेटका क्रममा दुई देशका जनस्तरको सम्बन्धलाई अझ प्रागाढ बनाउँदै लैजाने सन्दर्भमा कुराकानी भएको छ ।

परराष्ट्रमन्त्रीका दूत ली हुन वुकले कोरिया सरकारमार्फत् नेपालको विकासका लागि गर्न सक्ने सहयोग गर्न आफूहरु तयार रहेको बताए । “नेपाल र कोरियाबीच जनस्तरको सम्बन्ध स्थापित छ” परराष्ट्रमन्त्री पार्क जिनको सन्देश सुनाउँदै उनका दूत हुन वुकले भने, “यो सम्बन्धलाई अझ प्रागाढ बनाउँदै नेपालको समग्र विकासका क्षेत्रमा साथ र सहयोग गर्न कोरिया सरकार तयार छ ।”

मन्त्री मोदीले कोरिया र नेपालबीचको कुटनीतिक सम्बन्ध स्थापित भएको ४९ औँ वर्ष पूरा भई ५० औँ वर्षगाठमा प्रवेश गरेकोमा बधाई ज्ञापन गरे । नेपाल र कोरियाबीचको जनस्तरको सम्बन्धलाई थप परिष्कृत बनाउँदै लैजानुपर्ने उनको भनाई थियो ।

“यो सम्बन्धलाई अझ प्रागाढ र विश्वासिलो बनाउने दायित्व हाम्रो काँधमा छ” मन्त्री मोदीले भने, “दुवै देशको हक र हितका पक्षमा हुने सबैखाले गतिविधिमा हाम्रो साथ रहन्छ ।”

मन्त्री मोदीले नेपालको संघीयता कार्यान्वयनको चरणमा रहेकाले संघीयताको प्रभावकारी कार्यान्वयन र सबलीकरणका सन्दर्भमा रचनात्मक र सकारात्मक सहयोगका लागि अपिल समेत गरे ।

फेसबुक प्रतिक्रिया
सम्बन्धित शीर्षकहरु