सेन्ट जर्ज स्कुलमा गुरुपूर्णिमा सम्पन्नरुपन्देहीमा सिद्धार्थ डेरी साइकल यात्रीलाई मोही वितरणकाभा यू–२० महिला भलिबल ः नेपालले सेमिफाईनलमा कीर्गिस्तानसँग खेल्नेप्रधानमन्त्री ओलीलाई दुईतिहाई सांसदको समर्थन, पाए विश्वासको मतकवि राजेन्द्र ओझा ‘नयन’द्वारा रचित ‘अभिलाषाका झारहरू’ कवितासङ्ग्रह विमोचनचितवनमा “तपाईं बजार” को शुभारम्भलोक दोहोरी गीत ‘दमौलीमा गेट" को रिमेक भर्सन बजारमा [भिडियो]गुरुप्रति सम्मान भाव प्रकट गरी आज गुरु पूर्णिमा पर्व मनाइँदैदाना कपमा नेपाली टोली डेन्मार्क प्रस्थाननेपाल बक्सिङ महासंघको चौथो पूर्ण कार्यसमितिको बैठक सम्पन्न

प्राज्ञिक विद्यार्थी परिषदले १५ जिल्लाका दुई हजार पाँच सय २५ जना विद्यार्थीलाई शैक्षिक सामाग्री वितरण गर्ने

न्यूजलाईन्स् मिडिया संवाददाता
प्रकाशित मिति : २०८० असार २२ गते, शुक्रबार १७:३०

काठमाडौं, २२ असार । प्राज्ञिक विद्यार्थी परिषद् नेपालले १५ जिल्लाका दुई हजार पाँच सय २५ विद्यार्थीलाई शैक्षिक सामग्री वितरण गर्ने भएको छ । आज (शुक्रबार) रिपोर्टर्स क्लब नेपालमा पत्रकार सम्मेलन गर्दै परिषद्ले कक्षा ११ र १२ मा अध्ययनरत १५ जिल्लाका विभिन्न विद्यालयहरुमा शैक्षिक सामाग्री वितरण गर्न लागेको जानकारी गराएको हो ।
कार्यक्रममा उपस्थित परिषद्मा आवद्ध व्यक्तिहरुले विद्यार्थीहरुलाई वितरण गर्न लालिएको शैक्षिक सामग्रीको एकसाथ अनावरण गरेका थिए । शैक्षिक सामग्री वितरण अभियान भोलिबाट सुरु भएर ढिलोमा भदौको २० गतेसम्ममा सकिसक्ने तयारी रहेको बताइएको छ ।
आम नेपालीहरूको उद्देश्यअनुरूप शान्त र समृद्ध नेपाल पुनर्निर्माण गर्नु प्राज्ञिक विद्यार्थी परिषद् नेपालको लक्ष्य रहेको छ । विद्यार्थी परिषद्ले आफ्नो लक्ष्य प्राप्तिको आधार असल व्यक्ति निर्माणलाई मानेको छ ।
विद्यार्थी परिषद्ले लामो समयदेखि जीवउपयोगी सीपमा आधारित व्यक्तित्व विकास तालिम, छात्राहरूका लागि मिसन साहसी कार्यक्रम, निःशुल्क कम्प्युटर तालिम, कोचिङ कक्षा, बालसंस्कार कार्यक्रम, सरसफाइ अभियान, वृक्षारोपण, प्रतिभा सम्मानलगायतका कार्य गर्दै आएको छ ।
परिषद्ले २०७२ सालमा भुकम्पबाट प्रभावित जिल्लाहरूमा राहत तथा शैक्षिक सामाग्री वितरण वितरण गरेको थियो । त्यसैरी, कोरोना महामारीको समयमा देशभर सेवाकार्य सञ्चालन गरेको थियो भने २०७८ सालमा बाढी प्रभावित नौ जिल्लाहरूमा राहत सामग्री उपलब्ध गराएको थियो ।
परिषद्ले २०७३ सालमा बाढी प्रभावित तराईका जिल्लाहरूमा शैक्षिक सामग्री वितरण, बारा तथा पर्सीमा हावाहुरी प्रभावित विद्याथीहरूलाई शैक्षिक सामग्री वितरण लगायतका कार्य गरेको थियो ।
परिषद्ले यसवर्ष तेह्रथुम, संखुवासभा, सिराहा, काभ्रे, सिन्धुली, रौतहट, बारा, मकवानपुर, रूपन्देही, बाग्लुङ, गुल्मी, रोल्पा, कालिकोट, जुम्ला र डडेल्धुरामा शैक्षिक सामाग्री वितरण गर्ने भएको छ । वितरण गर्ने शैक्षिक सामग्रीमा व्याग, कपी, कलम, रेपिडेक्स पुस्तक, जोमेक्ट्री बक्स, नेपाली बृहत् शब्दकोश, टोपी लगायत रहेको छ ।
प्राज्ञिक विद्यार्थी परिषद्लाई भारतीय राजदूतावासमार्फत भारतीय जनता र भारत सरकारले शैक्षिक सामाग्री सहयोग गरेको परिषद्का राष्ट्रिय महासचिव विष्णुप्रसाद पंगेनीले बताए । परिषद् पछिल्लो पाँच वर्षदेखि ७७ वटै जिल्लामा सेवाको काम गर्दै आएको उनको भनाई छ ।
व्यक्ति निर्माणबाट मात्रै समाज र राष्ट्रको पुनर्निमाण सम्भव छ भन्ने पवित्र लक्ष्य र उद्देश्यका साथ परिषद्ले काम गरिरहेको महासचिव पंगेनीको भनाई छ । महासचिव पंगेनीले समाज र राष्ट्रलाई पहिलो प्राथमिकतामा राखी राजनीतिक पार्टी र अमूक संगठनको विचारभन्दा माथि उठेर काम गर्न सक्ने युवा शक्ति निर्माण नभएसम्म समाज र राष्ट्रलाई राम्रो बनाउन नसकिने बताए ।
सेवाको माध्यमद्वारा पनि समाजलाई जोड्दै जागरण गर्दै लिएर जान सकिन्छ भन्ने लक्ष्य र उद्देश्यलाई लिएर प्राज्ञिक विद्यार्थी परिषद् नेपाल २०५२ सालमा स्थापन भएको उनले बताए । उनले परिषद्मार्फत विभिन्न कालखण्डमा नेपाल सरकार, शिक्षा मन्त्रालय र सरोकारवाला सबैलाई झक्झक्याउने काम भइरहेको पनि बताए । जनता, समाज र राष्ट्रलाई फाइदा हुने गरी आफूहरुले काम गरिरहेको उनको दाबी छ ।
परिषद्का राष्ट्रिय मिडिया कार्य प्रमुख कृष्णप्रसाद हुमागाईंले आफूहरुले सबैको पहुँचमा गुणस्तरिय शिक्षा हुनुपर्छ भनेर लागि परेको बताए । साथै विश्वविद्यालय र क्याम्पसमा हुने राजनीतिक भागबण्डाको अन्त्य हुनुपर्छ भनेर आफूहरु निरन्तर लागिरहेको पनि उनको भनाई छ ।
‘प्राज्ञिक विद्यार्थी परिषद् नेपालले सेवा कार्यमात्रै गर्दैन, शिक्षा क्षेत्रमा गुणस्तरीय शिक्षामा सबैको पहुँच पुग्नुपर्छ । शिक्षामा दलगत राजनीति अन्त्य हुनुपर्छ, क्याम्पस, विश्वविद्यालयमा हुने राजनीतिक भागबण्डाको अन्त्यका लागि परिषद्ले काम गर्छ,’– उनले भने । परिषद्ले आगामी दिनमा पनि शिक्षाका क्षेत्रमा काम गरिरहने उनले प्रतिवद्धता व्यक्त गरे ।
प्राज्ञिक विद्यार्थी परिषद् नेपालका दिनेश कार्कीले कार्यक्रम सञ्चालन गरेका थिए भने सुयोग्य न्यौपानेले परिषद् गीत गाएर कार्यक्रमलाई अगाडि बढाए । कार्यक्रममा प्राज्ञिक विद्यार्थी परिषद् नेपालका राष्ट्रिय संगठन सचिव नारायण प्रसाद ढकाल, राष्ट्रिय सचिव जानकी आचार्य, बागमती प्रदेश सचिव निरञ्जन पाठक लगायतको उपस्थिति रहेको थियो ।

फेसबुक प्रतिक्रिया
सम्बन्धित शीर्षकहरु