काठमाडौ । चलचित्र ‘एक भगवत् गीता’को टिजर सार्वजनिक भएको छ । बुढा सुब्बा युट्युब च्यानलबाट सार्वजनिक भएको टिजर १ मिनेट ३२ सेकेन्ड लामो रहेको छ । निकै कलरफुल रहेको फिल्मको टिजरमा कलाकार विपिन कार्किलाई कमलावाईको भुमिकामा देखाइएको छ ।
टिजरमा देशको विभिन्न रमणिय क्षेत्र देखाइएको छ । छायँकार सञ्जय लामाले जनकपुरधाम, काठमाण्डौं, मनां लगायत ठाउँको रोमाञ्चक दृश्यलाई कैद गरेका छन्, जसले टिजरलाई आकर्षित बनाएको छ । टिजरमा सुहाना र धिरज प्रेमी प्रेमीकाको रुपमा प्रस्तुत भएका छन् । एक्सनलाई पनि प्राथमिकता दिइएको टिजरमा विपिनले कमलामाईको भुमिका निभाउँदै एक्सन भुमिकामा प्रस्तुत भएका छन् ।
झरना थापाको तेस्रो निर्देशकिय फिल्म एक भगवत् गीतामा सुहाना थापा, धिरज मगर, विपिन कार्कि को अलावा अनुराग कुँवर, कबिर खड्का, सन्जोग रसाइली जेभिस र जेभिन श्रेष्ठको मुख्य भुमिकामा देखिदैछन् ।
सुहाना इन्टरटेनमेन्टको प्रस्तुति र सुनिल कुमार थापा प्रोडक्सनको व्यानरमा निर्माण भएको फिल्मलाई सुनिल कुमारले निर्माण गरेका हुन् । फिल्ममा प्रवेश मल्लिकको ब्याकग्राउन्ड स्कोर, रामजी लामिछानेको कोरियोग्राफी, काव्या थापाको शृंगार र मित्र डि गुरुङको सम्पादन रहेको छ ।
२०८१ आश्विन २२ - मंगलवार
