
काठमाडौं ।गुड नेर्वस इन्टरनेशनल नेपालको अर्थिक तथा प्राविधिक सहयोगमा र लेले सामुदायिक विकास केन्द्रको समन्वयमा संचालित एकिकृत समुदायिक विकास परियोजनाले प्रायोजित वालवालिका लाई विभिन्न कार्यक्रम माफर्त सहयोग गर्दै आएको छ। यसै क्रममा माध्यामिक तहको अध्ययन सकियो अब के गर्ने भन्ने अन्योललाइ सहज र सरल रुपमा लिन ३ दिने करियर काउन्सिलिङ तथा भविष्यको योजना निर्माण तालिम असार २९, ३० र ३१ गते सम्पन्न भयो। कार्यक्रमको मुख्य उद्देश्य बालबालिकाको लक्ष्य बनाउने, उनीहरुका कमजोरी पत्ता लगाउने, क्षमता, सिर्जनशीलता बढाउने र निर्णय लिन सहजिकरण गर्ने रहेको थियो।
आयोजक लेले सामुदायिम विकास केन्द्रका अध्यक्ष श्री गणेश बहादुर नगरकोटीका अनुसार गुड नेवर्स इन्टरनेशनल नेपालको सहयोगमा भएको सो कार्यक्रममा ललितपुर, गोरखा, बर्दिया, कैलाली, बाजुरा, पर्वत, मुगु, दार्चुला, हुम्ला, डोटी र म्याग्दी जिल्लाका ५३ जना युवा युवतीको सहभागिता थियो ।
कार्यक्रम सम्पन्न भए पछि बालबालिकाहरुले आफनो क्षमता विकास, भावि योजना निमार्ण सग सगै स्व सिप विकास गर्न सहयोग मिलेको जनाएको छन। युवाहरुलाई भोलिका दिन सहजिकरण गर्न र सहजरुपमा करियर निर्माणको लागी विभिन्न खेल, अभिमुखिकरण, प्रेरक कथा र सफल व्यक्तीको प्रेरणत्मक भनाई साथ साथै सहभागीको सकृय सहभगितामा तालिम सफलतापुर्वक सम्पन्न भयो।


