
काठमाडौँ ,गैरआवासीय नेपाली संघ (एनआरएनए) राष्ट्रिय समन्वय परिषद (नेपाल एसोसिएसन) यूएईको अध्यक्षमा विकास शाही निर्विरोध चयन भएका छन । निर्वाचन समितिले बिहीबार सार्वजनिक गरेको उम्मेदवारको अन्तिम नामावलीअनुसार वर्तमान उपाध्यक्ष शाही २०२३–०२५ कार्यकालका लागि अध्यक्ष पदमा सर्वसम्मत चयन भएका हुन् ।
अन्तिम नामावलीअनुसार शाहीको मात्रै उम्मेदवारी कायम भएको निर्वाचन समितिका संयोजक रमेश श्रेष्ठले जानकारी दिए ।
आईसीसी सदस्यमा दिपक खड्का,पुस्कर सापकोटा,खेमराज बस्नेत र मनि प्रसाद भुर्तेल निर्विरोध निर्वाचित भएका छन ।
यस्तै अन्य पदमा पनि चाहिने जतिमात्रै संख्यामा उम्मेदवारी परेपछि सबै सर्वसम्मत भएका छन ।
जसअनुसार उपाध्यक्षमा मनोज कुमार सैजु, सोनाम श्रेष्ठ, भीम मल्ल, फणिन्द्र ढकाल, शम्भु कुमार वाइबा निर्वाचित भएका छन । यसैगरी महासचिवमा भुवन कुमार वाग्ले सर्वसम्मत बनेका छन ।
यसैगरी सचिवमा नवराज श्रेष्ठ, जीवन सिंह ठकुरी, विनोद बस्नेत, अरुण अधिकारी, कुमार श्रेष्ठको नाम अन्तिम सूचीमा समेटिँदा कोषाध्यक्षमा प्रकाश थापा चयन भएका छन ।
यसैगरी महिला संयोजकमा मञ्जु उचाइ, युवा संयोजकमा अपिल भट्टराई र सहकोषाध्यक्षमा नवराज ढुंगाना चयन भएका छन।
यसैगरी ११ जना सदस्यमा योगिता हाडा,गिता बिस्ट,टेकराज पराजुली,प्रेम बहादुर शाही,लोक बहादुर श्रेस्ठ,धर्म प्रसाद भट्टराई,नविन दोंग लामा,मन बहादुर सुनार,कमल कार्की र सुर्यान्स कुमार चौधरी रहेको निर्वाचन समितिले जनाएको छ ।
आफुलाई निर्विरोध निर्वाचित गरेकोमा अध्यक्ष शाहिले युएईमा रहेका सबै संघ सँस्था र नेपालीहरुलाई धन्यवाद दिँदै ऊहाहरुको बिश्वाश गुम्न नदिने तवरले काम गर्ने बताए ।


