दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

नागढुंगा–नौबिसे सुरुङ मार्गको आकस्मिक ‘रेस्क्यू टनेलको ‘ब्रेक थ्रु’

न्यूजलाईन्स् मिडिया संवाददाता
प्रकाशित मिति : २०८० श्रावण २३ गते, मंगलवार ७:४०

काठमाडौ । नागढुंगा–नौबिसे सुरुङ मार्गको आकस्मिक कामको लागि प्रयोग हुने ‘रेस्क्यू टनेलको ‘ब्रेक थ्रु’ भएको छ ।

सोमवार चार वर्ष अगाडि शिलान्यास भई निर्माण थालिएको रेस्क्यु टनेलको सुरुङमार्ग निर्माणको काम पूरा भएको हो । सुरुङ मार्ग निर्माणको क्रममा एक मिटर रेस्क्यु टनेललाई भौतिक पूर्वाधार तथा यातायातमन्त्री प्रकाश ज्वालाको उपस्थितिमा ‘ब्रेक थ्रु’ गरिएको हो । ब्रेक थ्ररूमा उपस्थित कार्यक्रमा बोल्दै मन्त्री ज्वालाले नागढुंगा–नौबिसे सुरुङ मार्गको रेस्क्यू टनेलको ‘ब्रेक थु्र’ भएसँगै नेपालको यातायात क्षेत्रमा सुरुङ युगमा प्रवेश गरेको बताउनु भयो।

मन्त्री ज्वालाले नेपाल पहाडले भरिएको देश भएकाले छिटो छरितो यातायातको लागि देशमा सुरुङ मार्गको आवश्यकता रहेको बताउनु भयो । उहाँले नागढुंगा–नौबिसे सुरुङ मार्गको आकस्मिक रेस्क्यू टनेल ‘ब्रेक थ्रु’ भएको र केही महिनापछि मुख्य टनेलको पनि ‘ब्रेक थ्रु’ गरिने बताउनु भयो। उहाँले सरकारले नियमित रुपमा अनुगमन गरी सुरुङ मार्ग निर्माणको कामलाई छिटोभन्दा छिटो सम्पन्न गरी एक वर्षभित्रै टनेलमा यातायातका साधन सञ्चालनमा ल्याउने गरी काम गर्ने प्रतिवद्धता जनाउनु भयो।

उहाँले नागढुंगा–नौबिसे सुरुङ मार्गको आकस्मिक ‘रेस्क्यू टनेलको ‘ब्रेक थ्रु’ हुँदा अत्यन्त गौरवको अनुभूमित भएको बताउनु भयो । उहाँले आजको दिन नेपालको यातायात क्षेत्रको लागि ऐतिहासिक दिन भएको पनि उल्लेख गर्नु भयो। उहाँले नेपाल सरकार अब निरन्तर रुपमा सुरुङ मार्ग निर्माणको अभियानमा लाग्ने बताउनु भयो। उहाँले सुरुङ मार्ग बनाउन सहयोग गर्ने जापान सरकार जाईकालाई धन्यावाद दिनु भयो ।

उहाँले भन्नुभयो,‘हाम्रो पालामा नेपालको यातायात क्षेत्रमा सुरुङ युगमा प्रवेश गरेको छ । नेपाल पहाडले भरिएको देश भएकाले छिटो छरितोको लागि देशमा सुरुङ मार्गको आवश्यकता छ । हामीले नागढुंगा–नौबिसे सुरुङ मार्गको आकस्मिक रेस्क्यू टनेल ‘ब्रेक थ्रु’ गरेका छौं । यो खुलेको छ । केही महिनापछि मुख्य टनेल पनि खुल्ने छ । सरकारले नियमित रुपमा अनुगमन गरी यो कामलाई छिटोभन्दा छिटो सम्पन्न गरेर केही महिना भित्र चालु आर्थिक वर्ष भित्र (एक वर्षभित्रै) टनेलमा यातायातका साधन सञ्चालनमा ल्याउने गरी काम गर्ने छौं । आजको दिनमा अत्यन्त गौरवको अनुभूमित भएको छ । यो ऐतिहासिक दिन पनि हो । आज जुन सुुरुङ मार्गको रेस्क्यू टनेल ‘‘ब्रेक थ्रु’ भएको छ । यसले मुलुक सुरुङ मार्गको युगमा प्रवेश गरेको छ । सरकार अब निरन्तर रुपमा सुरुङ मार्गको अभियानमा लाग्ने छौं । सुरुङ मार्ग बनाउन सहयोग गर्ने जापान सरकार जाईका सबैलाई धेरै धेरै धन्यावाद दिन चाहन्छु ।’

सोमवार ब्रेक थ्रु भएको रेस्क्यु टनेलको लम्बाइ २.५ किलोमिटर रहेको भने २.६ किलोमिटर लम्बाइको मुख्य टनेलको काम करिव १८ प्रतिशत बाँकी रहेको छ । नागढुंगा–नौबिसे सुरुङ मार्गको निर्माणको काम जापानी ठेकेदार कम्पनी हाजमा–आन्दो जेभीले यस आयोजनामा काम गरिरहेको छ । नागढुंगा सुरुङमार्गको डिजाइन जापान सरकारको साढे १३ अर्ब रुपैयाँको सहयोगमा निर्माण भएको हो । सुरुङसम्म पहुँचमार्गका लागि गुर्जुधारा चोक र सुरुङको मुख नजिकै २ वटा फ्लाइओभर समेत सँगै बनिरहेका छन् । उक्त आयोजना २०७६ कात्तिक ४ मा शिलान्यास गरेका थिए । शिलान्यास भएको ४२ महिनामा निर्माण सम्पन्न गर्ने लक्ष्य राखेर काम सुरू भएको थियो । तर, कोरोना, लकडाउन र मुआब्जालगयतका अवरोधले सुरुङ मार्ग निर्माणमा ढिलाइ भएको हो ।

फेसबुक प्रतिक्रिया
सम्बन्धित शीर्षकहरु