चितवन। वर्षाका कारण लेदोसहित खसेको पहरोले मुग्लिन-नारयणघाट सडकखण्ड अवरुद्ध भएको छ । कालीखोला र टोपे खोलामा पहिरो जाँदा सडक अबरुद्ध भएको हो ।
सवारी खुलाउन कम्तिमा तीन घण्टा लाग्ने मुग्लीन प्रहरीले जानकारी दिएको छ । दुवैतर्फ सवारी ठप्प हुँदा राजधानी आएका र सो सडक हुँदै तराईका विभिन्न जिल्लामा जाने सवारीका साधनहरु सडकमा नै रोकिएका छन् ।
यसैबिच कालिखोला नजिकै नाम्सी पुलमा समेत केहिबेर अघि पहिरो खसेको छ । जसका कारण सडक सूचारु हुन अझै समय लाग्ने मुग्लीन प्रहरीले जानकारी दिएको छ ।
२०८० आश्विन १२ - शुक्रबार
