दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

गोरखाको भच्चेकमा निःशुल्क दन्त शिविर : २८६ जनाले लिए सेवा

न्यूजलाईन्स् मिडिया संवाददाता
प्रकाशित मिति : २०८० श्रावण २९ गते, सोमबार १८:४८

गोरखा । गोरखा जिल्लाको उत्तरी क्षेत्र अजिरकोट गाउँपालिकाको केन्द्र भच्चेकमा दन्त शिविर भएको छ ।

मुटु फाउण्डेशन काठमाडौँ र मनोज एसोसिएसन फ्रान्सको प्रायोजन र अजिरकोट गाउँपालिकाको आयोजनामा अजिरकोट गाउँपालिका वडा नं ३ स्थित भच्चेक आधारभूत अस्पतालमा दुईदिने निःशुल्क दन्त शिविर सम्पन्न भएको हो ।

आइतबारदेखि सुरु भएको दन्त शिविरमा २८६ जनाले सेवा लिएको मुटु फाउण्डेशनका अध्यक्ष धनबहादुर गुरुङले जानकारी दिनुभयो । जसमध्ये १७२ जनाले दाँत निकालेका छन् भने ७३ जनाले दाँत सफा र ३० जनाले सिमेन्ट भरेको गुरुङले बताउनुभयो ।

ओम समाज डेन्टल अस्पतालको प्राविधिक सहयोगमा सुरु भएको उक्त दन्त शिविरमा अजिरकोट गाउँपालिकाभित्रको खरिबोट, हंसपुर, मुच्चोक, घ्याच्चोक र सिमजुङका विरामीको सहभागीता रहेको थियो ।

यसअघि मुटु फाउण्डेशनले गोरखाको बारपाक सुलिकोट गाउँपालिकास्थित बारपाकमा निःशुल्क स्वास्थ्य शिविर सञ्चालन गरेको थियो भने गोरखाको शहिद लखन गाउँपालिका र गण्डकी गाउँपालिकामा रु १५ लाख ५० हजार मूल्य बराबरको स्वास्थ्य सामाग्री सहयोग गरेको थियो ।

फेसबुक प्रतिक्रिया
सम्बन्धित शीर्षकहरु