
टर्की सरकारले सन् २०१६ मा कुको प्रयास गर्ने समूहमा रहेको आरोपमा २० जनालाई पक्राउ जारी गरेको छ ।
मंगलवार पक्राउ पूर्जि जारी गरिएको त्यहाँको मुख्य अभियोजकको कार्यालयले जनाएको छ । उनीहरु गुलेन आन्दोलनसँग जोडिएको बताएको छ । टर्की सरकारले सन् २०१६ मा घुसपैठ र कुको प्रयासमा संलग्न रहेको बताएको छ । पक्राउ पूर्जि जारी भएका २० मध्ये ११ जना अझै सरकारी काममा कार्यरत रहेको बताइएको छ । उनीहरुबिरुद्ध सार्वजनिक क्षेत्रमा घुसपैठ गरेको आरोप छ । उनीहरुलाई पक्राउ गर्न प्रहरीले चार वटै प्रदेशमा एकै पटक अभियान सञ्चालन गरेको छ । अंकाराले अमेरिकामा रहेका फेथुल्लाह गुलेनलाई सन् २०१६ मा भएको कुको प्रयासको मुख्य योजनाकार रहेको आरोप लगाएको छ । जसमा कीम्तमा २५० जनाको मृत्यु भएको थियो । टर्की सरकारले बिद्रोहको प्रयासपछि उक्त सञ्जालसँग जोडिएको शंकामा कारबाही अभियान चलाएको छ ।
सिन्ह्वाको सहयोगमा न्युज एजेन्सी नेपालले तयार पारेको समाचार सामग्री ।


