दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

जेबी टुहुरेलाई ‘जनगायक’को उपाधि प्रदान गर्न पाउँदा गर्वको अनुभुति भएको छः प्रधानमन्त्री दाहाल

न्यूजलाईन्स् मिडिया संवाददाता
प्रकाशित मिति : २०८० भाद्र १० गते, आईतवार २०:३३

प्रधानमन्त्री पुष्पकमल दाहालले स्वर्गीय जेबी टुहुरेलाई जनगायकको रुपमा राष्ट्रिय सम्मानको उपाधि प्रदान गर्न पाउँदा आफूलाई गर्वको अनुभुति भएको बताउनुभएको छ ।

स्वर्गीय जनगायक टुहुरेको दोस्रो स्मृति दिवसको अवसर पारेर आईतबार काठमाडौंमा आयोजित एक कार्यक्रममा बोल्दै उहाँले सो कुरा बताउनुभएको हो । प्रधानमन्त्री दाहालले नेपालको बाम–लोकतान्त्रिक आन्दोलन र सांगितिक तथा सांस्कृतिक क्षेत्रमा विशिष्ट योगदान पु¥याएकै कारण आफू नेतृत्वको सरकारले भर्खरै उहाँलाई सो उपाधि प्रदान गरेको पनि स्पष्ट पार्नुभयो । प्रधानमन्त्री दाहालले जनगायक टुहेरेकै जनवादी प्रगतिशील गीत गाउँदै आफूले राजनीतिक यात्रा शुरु गरेको पनि दोहो¥याउनु भयो । जनगायक टुहुरेले नेपालको राजनीतिक, सांगीतिक र सांस्कृतिक क्षेत्रमा पु¥याउनुभएको योगदान भावी पुस्ताका लागि समेत प्रेरणाको स्रोतको रुपमा रहिरहने बताउनु भयो ।
प्रधानमन्त्री दाहालले भन्नुभयो, ‘नेपालको बाम–लोकतान्त्रिक राजनीतिक आन्दोलन एवं सांगीतिक उहाँले पु¥याउनुभएको विशिष्ट योगदानकै कारण भर्खरै बसेको मन्त्रीपरिषद बैठकले जेबी टुहुरेलाई जनगायकको राष्ट्रिय सम्मान प्रदान गरेको छ । यसका निम्ति यहाँहरु सबैलाई बधाई ज्ञापन गर्दै उहाँलाई जनगायकको राष्ट्रिय सम्मान प्रदान गर्ने ऐतिहासिक अवसर प्रदान गरेकोमा गौरव महशुस गरेको कुरा समेत यहाँहरुको अगाडि राख्न चाहन्छु । स्मृति ग्रन्थ जेबी टुहुरेको जन्म, कर्म र विचारहरुको विविध आयामहरुको विभिन्न कोणबाट विश्लेषण, संश्लेषण गरिएको छ । समग्र पुस्तक पढदा टुहुरेको चेतना राम्रैसँग स्मरणमा ल्याई दिन्छ । यसले टुहुरेको समग्र जीवन बुझ्न र यसबाट शिक्षा लिन प्रेरित गरिरहनेछ ।’
बाइट…पुष्पकमल दाहाल, प्रधानमन्त्री
प्रधानमन्त्री दाहालले जनताका गायकको रुपमा जेबी टुहुरेले दिएको विचारले आफूलाई शान्ति प्रक्रियामा आएपछि अझ धेरै प्रभावित तुल्याएको बताउनु भयो ।

फेसबुक प्रतिक्रिया
सम्बन्धित शीर्षकहरु