भाद्र- ३१, काभ्रे, हरितालिका तीज २०८० को शुुभ अवसरमा पाँचखाल – २ अवस्थित ज्ञानाेदय स्कुलले हरितालिका तीजको अघिल्लो दिन अर्थात दर खाने दिन विद्यालयमा नियमित रुपमा सञ्चालनमा रहेको दिवा खाजालाई दर खाने कार्यक्रममा रुपान्तरण गरी दर खाने कार्यक्रम सञ्चालन गरेको जानकारी विद्यालयका प्र.अ. मेघनाथ अधिकारीले जानकारी गराए।
हरेक चाडपर्वको जानकारी गराउन र रितिरिवाज सिकाउन विद्यालयले कार्यक्रम आयोजना गर्ने गरेको कुरा शिक्षक माधब नेपालले जानकारी गराए । यस पटक स्कुलमा तीज पर्वको कार्यक्रम अन्तर्गत नाचगान कार्यक्रम सञ्चालन गर्दै परापूर्वकाल देखि चलि आएको परम्परालाई निरन्तरता दिई तीज विशेष कार्यक्रम सम्पन्न गरिएको कुरा विद्यालय ब्यवस्थापन समितिका अध्यक्ष प्रल्हाद दाहालले बताए।
आजभोलि तिजलाई हाम्रो मौलिक परम्पराभन्दा पनि तडकभडक तरिकाले मनाउन थालिएकोले अब यसलाई समयमै कन्ट्रोल गरिएन भने यो बिकृतीको रुपमा फैलिन सक्ने हुन्छ । यसले गर्दा अब विशेष गरि विद्यालयमा विद्यार्थीहरुलाई हाम्रा मौलिक चाड पर्वको बारे राम्रोसँग बुझाउन सक्ने हो भने हामी हाम्रा रितिरिवाज, चाडपर्व, धर्म, संस्कृती र परम्परा सदा बचाइ राख्न सक्ने छौँ ।
२०८० आश्विन ५ - शुक्रबार
