दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

कीर्तिपुर मञ्जुश्री पार्कमा दशै महोत्सव सुरु

न्यूजलाईन्स् मिडिया संवाददाता
प्रकाशित मिति : २०८० आश्विन २७ गते, शनिबार २१:२३

काठमाडौं । दशैं पर्वलाई पारिवारीक उत्सवसहित मनाऔं, भन्ने नारासहित कीर्तिपुर–६ चोभारस्थित मञ्जुश्री पार्कमा दशै महोत्सव–२०८०को आयोजना गरिएको छ । विहिबार कीर्तिपुर नगरपालिका उप प्रमुख शुभ लक्ष्मी शाक्य (सुनीता) ले दशै महोत्सव–२०८० को उद्घाटन गरेकी हुन् । कीर्तिपुर नगरपालिकाको सहयोगमा शान्ति फाउनण्डेसन र रजनी हस्तकला एण्ड ट्रेनिङ सेन्टरको संयुक्त पहलमा आयोजना गरिएको दसदिने दशैं महोत्सवमा हस्तकला, हार्डवेयर र खानाका विविध परिकारसहित एकसय भन्दा बढि स्टलहरू राखिएका छन् ।

शान्ति फाउण्डेसनका संस्थापक शान्ति लामाले यस मेलामा बालबालिकालाई लक्ष्यित गरी मनोरञ्जनात्मक खेल,स्थानीय कलाकारहरूको नृत्य, गीतको प्रस्तुतीसहित दशैं पर्वमा आवश्यक तथा दैनिक जीवनमा आवश्यकता पर्ने कपडादेखि श्रृङ्गार, खेलकुद, सजाउने सामाग्री र खानाका थुप्रै परिकार महोत्सवमा उपलब्ध रहेको जानकारी दिइन् ।

उनले विशेष गरी महिलाले उत्पादन गरेका सामग्रीहरूको बजारीकरणका लागि मञ्च उपलब्ध गराउने लक्ष्यले फाउण्डेसनको पहिलो प्रयास स्वरूप महोत्सवको आयोजना गरी उपभोक्ता वर्गलाई सस्तो सुलभ सामग्री दिने प्रयास गरिएको बताइन्।

त्यसैगरी रजनी हस्तकला एण्ड ट्रेनिङ सेन्टरका प्रोपाइटर रजनी राई चित्रकारले महिला उद्यमीले उत्पादन गरेका विभिन्न सामग्रीहरू एकै थलोमा बेच्ने ठाउँको प्रवन्धको लागि दशैं महोत्सवको आयोजना गरिएको जानकारी दिइन्।

उनले नेपालीहरूको महान चाड दशैं पर्वमा चोभारको मञ्जुश्री पार्कमा आएर उपभोक्ताहरूले सुलभ मुल्यमा आवश्यक सामान किन्न सकुन् र महिला उद्यमीले पनि आफुले उत्पादन गरेको वा खरिद गरेर बेच्न राखिएका विभिन्न सामानहरू थुपारेर राख्नुभन्दा सस्तो मुल्यमा कम नाफा राखेर बेच्ने अवसरका लागि दशै महोत्सवको आयोजना गरिएको बताइन्।

यस महोत्सवमा बाँस, निगालो, थाकल,मकैको खोस्टा, बावियो, छ्वाली, काठ, माटोबाट बनेका हस्तकलाका आकर्षक सामग्रीहरू राखिएका छन् । ढाका, पस्मिनालगायत हातले घरेलु तानमा बुनेका कपडाहरू, हार्डवेयरका सामग्री, जुत्ता, चप्पल,खुकुरीहरू पनि छन् ।

त्यसैगरी सिलाम, अचार, महलगायतका खाद्य सामग्री र खेलौना, महिलाका लागि श्रृङ्गारका सामग्रीहरूसहित थुप्रै खानाका परिकारका स्वाद लिन महोत्सवमा आउन आयोजकले आग्रह गरेका छन् । यस महोत्सव कात्तिक ४ गतेसम्म सञ्चालन हुनेछ ।

फेसबुक प्रतिक्रिया
सम्बन्धित शीर्षकहरु