काठमाडौं। नेपालका ख्यातिप्राप्त गायक पप किङ अफ नेपाल ओम विक्रम विष्टको अमेरिकामा विशेष कन्सर्ट भएको छ। अमेरिकामा नेपाली पप किङ ओम विक्रम विष्टको दशैं विशेष म्युजिक कन्सर्ट अक्टोबर २० मा भएको हो।
अमेरिकाको हरिसबर्गमा आयोजित दशैं विशेष कन्सर्टमा गायक विष्टले आफ्ना नयाँ तथा पुराना सुपरहिट पप गीत गाएर शुक्रवार संगीतमय बनाइदिएका थिए। अमेरिकामा नै लामो समय विरामी भएर हाल मृगौलाको सफल प्रत्यारोपण पश्चात सामान्य जीवनमा फर्केका गायक विष्टको अमेरिकामा यो बर्ष यो दशैं विशेष कन्सर्ट सहित चौथो म्युजिकल कार्यक्रम भएको अमेरिकामा नै रहेका मेसेन्जर ब्याण्डका ख्यातिप्राप्त गायक राजेश हमालले बताएका छन्।
अमेरिकामा नै रहेका विनोद कुमार शर्माका अनुसार, अनुसार, पप किङ विष्टको दशैं विशेष कार्यक्रममा स्वदेशी तथा विदेशी गरेर ३ सयभन्दा बढी स्रोता तथा दर्शकहरुको सहभागिता रहेको थियो। कार्यक्रमको आयोजना फ्यायर लञ्च एण्ड बारले गरेको थियो।
२०८१ आश्विन २० - आईतवार
