दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

सर्वोच्च अदालत पीडितको पक्षमा उभिएको छ : पूर्व प्रहरी प्रमुख खनाल

न्यूजलाईन्स् मिडिया संवाददाता
प्रकाशित मिति : २०८० कार्तिक १७ गते, शुक्रबार १८:२१

काठमाडौँ । नेपाल प्रहरीका पूर्व महानिरीक्षक (आईजीपी) सर्वेन्द्र खनालले गुण्डा नाईके योगराज ढकाल (रिगल)लाई संविधान दिवसको अवसरमा दिएको आममाफी बदर गरेर सर्वोच्च अदालत पीडितको पक्षमा उभिएको बताउनुभएको छ ।

रिट निवेदक भारती मानन्धरले आज आयोजना गरेको पत्रकार सम्मेलनमा बोल्दै पूर्व महानिरीक्षक खनालले सर्वोच्चको फैसलाले कानुन ज्यूँदैछ भन्ने प्रमाणित गरेको बताउनुभयो । “जसको पहुँच छ, त्यसले न्याय पाउँछ’ भन्ने परिस्थिति निर्माण भइरहेको अवस्थामा भारतीले दिएको रिटमा सर्वोच्च अदालत पीडितको पक्षमा उभिएको छ, यो पीडितका लागि खुशीको कुरा हो,”– उहाँले भन्नुभयो ।

उहाँले राज्यको अभिभावकको रूपमा रहनुपर्ने सरकार र संवैधानिक निकाय (राष्ट्रपति) संविधानको मर्मबाट चुकेको बताउनुभयो । “संवैधानिक रूपमा स्पष्ट छ, नरसंहार भएका विषय, अमानवीय रुपले क्रुर हत्या भएका विषयहरुमा कुनै पनि आममाफी हुनेछैन भन्ने संवैधानिक प्रावधान रहेको छ, त्यसको मर्म पनि त्यही हो,”– उहाँले भन्नुभयो ।

नेपालमा लोकतान्त्रिक अभ्यासको सिलसिलामा सर्वोच्चले दिएको निर्णय स्वागतयोग्य र गौरव गर्नलायक रहेको उहाँको भनाई थिया । सर्वोच्चको उक्त फैसला नेपालका लागि मात्रै नभएर द्वन्द्वको स्थिति सामना गरिरहेका अन्य देशहरुकालाई नजीर हुने खनालले बताउनुभयो ।

रिट निवेदक मानन्धरले सर्वोच्चको फैसलाले आफूलाई थप साहस मिलेको बताउनुभयो । उहाँले सिङ्गो सरकार हत्याराको पक्षमा लाग्दा पनि आफूले न्याय पाएको भन्दै अदालतलाई धन्यवाद दिनुभयो । फैसलापछि आफूलाई आँट र हिम्मत मिलेको उहाँको भनाई छ । उहाँले अन्यायमा परेका आम पीडितलाई न्यायका लागि लड्न आग्रह समेत गर्नुभयो ।

फेसबुक प्रतिक्रिया
सम्बन्धित शीर्षकहरु