काठमाडौ ।चलचित्र ‘रङ्गेली’को पोस्टर सार्वजनिक भएको छ । पोस्टरमा मिरुना थारु युवतीको पहिरनमा देखिएकि छिन् । फागुन २५ गतेविश्वव्यापी रिलिज हुने चलचित्र ‘रङ्गेली’मा अभिनेत्री मिरुना मगर ‘जुनकिरी’ बनेकी छन् ।
अर्जुन सुवेदीको लेखन तथा निर्देशनमा तयार भएको फिल्ममा ‘रङ्गेली’मा मिरुनाको साथमा दयाहाङ राई, अर्पण थापा, प्रवीण खतिवडा, रमेश बुढाथोकी लगायतको प्रमुख भूमिका रहेका छन् । हर्क साउद, अर्जुन सुवेदी र सबिन सिंहको शब्द रचना तथा सुशान्त गौतम र हर्कुलस बस्नेतको संगीत छ ।
अस्ट्रेलिया र अमेरिकामा कलाकारसहित भिआइपी रेड कार्पेट प्रिमियर हुने यो चलचित्र नेपालसँगै नेपालीहरूको बसोबास रहेका अमेरिका, अस्ट्रेलिया, जापान, कोरिया, हङकङ लगायतका विश्वका विभिन्न मुलुकहरूमा एकसाथ रिलिज हुनेछ ।
२०८० मंसिर १४ - बिहीबार
